މިފްކޯއަކީ ކޮންމެ ރޯދަމަހަކަށް ޚާއްސަކޮށްގެން ތަފާތު ބާވަތްތައް ބާޒާރަށް ނެރޭ ކުންފުންޏެވެ. މިފަހަރު އެންމެ ޚާއްސަ އެއްޗެއްގެ ގޮތުގައި ބާޒާރަށް ނެރުއްވީ ތުތިބޯވަ ދިލަމަހެވެ.
އެ ބާޒާރަށް ނެރެފައިވަނީ ސާފުކުރުމަށްފަހު ޕެކެޓުކޮށްފައެވެ. އޭގެ އިތުރަށް މިފަހަރުވެސް ހަނާކުރަން ތައްޔާރު ކޮށްފައިވާ މަހާއި، ކުޅިމަސް ހެދުމަށް ތައްޔާރުކޮށްފައިވާ މަހާއި އަދިވެސް ބައެއް ވައްޔަރު ވަނީ ނެރެފައެވެ. އެތަކެތި ހުންނަނީ އެއަށް އަޅަން ބޭނުންވާ ހުރިހާއެއްޗެއް އެޅުމަށްފަހު ހަމައެކަނި ކައްކާލަން ޖެހޭ ވަރަށް ތައްޔާރު ކޮށްފައެވެ. "އެއަށް ހުންނާނީ ލޮނުވެސް ލާފައި،" މިފްކޯއިން ވިދާޅުވިއެވެ.
މިއީ ކުރިން ވެސް ޢާއްމުންގެ މެދުގައި ވަރަށް މަޤުބޫލުކަން ހޯދައިފައިވާ ބާއްވަތްތަކެވެ. އަވަދިނެތި އުޅޭ މީހުންނަށް ޚާއްސަކޮށް ތައްޔާރު ކޮށްފައި މި ސާމާނަކީ ކުރިން ވެސް މިފްކޯގެ އުފެއްދުންތަކުގެ ތެރެއިން އެންމެ ހިނގާ އެއްބާވަތެވެ.
