އައްޑޫ ސިޓީގައި ބިޒްނަސް ވިސާގެ ޚިދްމަތް ތަޢާރަފްކޮށްފިއެވެ. މި ޚިދްމަތް ތަޢާރަފް ކޮށްދެއްވީ ސިޓީގެ މޭޔަރ ޢަބްދުﷲ ޞާދިޤް އެވެ.
ޚިދްމަތް ތަޢާރަފް ކުރައްވަމުން މޭޔަރ ވިދާޅުވީގޮތުގައި އައްޑީ އުން ބިޒްނަސް ވިސާގެ ޚިދްމަތްް ދޭން ފެށުމަކީ އައްޑޫ ސިޓީ ބަވަނަ ވުމަށް ހުޅުވޭ ފުރުޞަތެއް ކަމަށެވެ. މިއީ މެރެތަންސް ފަދަ ބައިނަލްއަޤްވާމީ ޙަރަކާތްތައް އައްޑޫގައި ބޭއްވުމަށް މަގުފަހިވާނެ ކަމަށް މޭޔަރ ވިދާޅުވިއެވެ.
މިއީ ސަރަޙައްދީ އެއަރޕޯޓަކުން ބިޒްނަސް ވިސާ ދޫކުރަން ފަށާ ފުރަތަމަ ފަހަރު ކަމަށް ކޮންޓްރޯލަރ ޖެނެރަލް އޮފް އިމިގްރޭޝަން މުޙައްމަދް އަޙްމަދް (ހަނަފީ) ފާހަގަކުރެއްވިއެވެ. ގޭން އިންޓަރނޭޝަނަލް އެއަރޕޯޓުން އެމްޕްލޯއިމެންޓް ވިސާ ހޯލްޑަރުންނަށް ވަރަށް އަވަހަށް މަރުޙަބާ ކިޔާނެ ކަމަށް ކޮންޓްރޯލަރ ވިދާޅުވިއެވެ. އަދި ޒަމާނީ ޓެކްނޮލޮޖީގެ އެހީ އާއެކު އޮންލައިން ޚިދްމަތް ފަދަ އިތުރު ޚިދްމަތް ލިބޭނޭ އިންތިޒާމް ހަމަޖެހިގެންދާނެ ކަމަށް ކޮންޓްރޯލާ ޖެނެރަލް ވިދާޅުވިއެވެ.
އެއާއެކު ޤަވާޢިދާ ޚިލާފަށް އެތެރެވާ ފަރާތްތަކުގެ މައްސަލަތައް ޙައްލުކުރާނޭ އިންތިޒާމް މިއަންނަ ހަފްތާގައި ފަައްޓަވާނެ ކަމަށް ވެސް ކޮންޓްރޯލަރ ޖެނެރަލް ވިދާޅުވިއެވެ.
