ރައްޔިތުންގެ މަޖިލީހުގެ ރައީސް ޢަބްދުﷲ މަސީހް އަޙްމަދް އިސްތިއުފާ ދެއްވާން އުޅުއްވާ ކަމުގެ އަޑު ފެތުރެން ފަށައިފިއެވެ. މަސީހް އިސްތިއުފާ ދެއްވަން ނިންމެވި ކަމުގެ އަޑު ފެތުރެން ފަށާފައިމިވަނީ ރައްޔިތުންގެ މަޖިލީހުގެ ރައީސްގެ އިތުބާރު ނެތް ކަމުގެ މައްސަލަ 45 މެންބަރުންގެ ސޮޔާއެކު މާދާމާ މަޖިޅީހަށް ހުށަހަޅާނެ ކަމަށް އިދިކޮޅު ފަރާތްތަކުން ބުނެފައި ވަނިކޮށެވެ.
ގަލޮޅު ދެކުނު ދާިއރާގެ މެންބަރު އަޙްމަދް މަހްލޫފް މިއަދު ކުރެއްވި ޓުވީޓެއްގައި ވިދާޅުވެފައިަވނީ އެމްޑިޕީ، ޖޭޕީ، އެމްއާރްއެމް، އެމްޑީއޭ، ޕީޕީއެމް އަދި ވަކި ޕާޓީ އަކަށް ނިސްބަތްނުވާ މެންބަރުންގެ ސޮޔާއެކު މަސީހު ބޭރުކުރާނެ ކަމަށެވެ. ނަމަވެސް އެއީ ކޮން މަންބަރުންނެއް ކަމެއް ހަމަކުރައްވާފައެއް ނުވެއެވެ.
ތުލުސްދޫ ދާއިރާގެ މެންބަރު އިބްރާހީމް ވަހީދު ވަނީ މަސީހު އިސްތިއުފާ ދެއްވަން ނިންމެވި ކަމުގެ މައުލޫމާތު ލިބިވަޑައިގެންފައިވާ ކަމަށް ވިދާޅުވެ ޓުވީޓު ކުރައްވާފައެވެ. އަދި ރައީސަށް ޚާއްޞަ ކުރެވިފައިވާ ކޮޓަރިކޮޅުގަިއ ހުރި އެމަނިކުފާނުގެ އަމިއްލަ ތަކެތި އެތަނުން ނެރެފައިވަ ކަމަުގެ މައުލޫމާތު ލިބިވަޑައިގެންފައިވާ ކަމަށް ވެސް އިބްރާހީމް ވަޙިޑު ވަނީ ޓުވީޓު ކުރައްވާފައެވެ.
2017 ވަނަ އަހަރުގެ މެދުތެރެއިން ފެށިގެން މަސީހުގެ އިތުބާރު ނެތް ކަމުގެ ވޯތު ނެގުމަށް މަޖިލިސް ތެރެއިން ވަނީ މަސައްކަތް ފަށާފައެވެ. ނަމަވެސް ތަފާުތު ސަބަބު ތަކާ ހެދި ކާމިޔާބު ގޮތް ވަނީ ނުވެފައެވެ.
