މުމްބާއީގެ ޗިތްރާކޫޓް ގްރައުންޑުގައި އަބީޝެކް ވަރްމަންގެ ފިލްމް 'ކަލަންކް' ގެ މަންޒަރުތަކެއް ނެގުމަށް ހަދާފައި ހުރި ސެޓުން ބައެއް ވެއްޓި ފިލްމުގެ ޝޫޓީން ހުއްޓުމަކަށް ގެނެސްފިއެވެ. މި ސެޓަސް ގެއްލުން ލިބިފައިވަނީ މުމްބާއީ އަށް މިާޙރު ކުރަމުންދާ ވިއްސާރައިގެ ސަބަބުންނެވެ. ސެޓުން ބަެއް ވެއްޓުނީ ފިލްމުގެ ޝޫޓީން ހިންގަމުން ދަނިކޮށް ބުދަ ދުވަހުއެވެ. ސެޓުން ބައެއް ވެއްޓުމާ ގުޅިގެން ޝޫޓިން މިހާރުވަނީ މެދުކަނޑާލާފައެވެ.
މި ސެޓުގައި 20 ދުވަހު މަންޒަަރުތައް ނަގާ ގޮތަށް ޝެޑިއުލް ކުރެވިފައިވީ ނަމަވެސް ފިލްމާއި ގުޅުން ހުރި ފަރާތަކުން ބައެއް މީޑިއާތަކަށް މައުލޫމާތު ދީފައިވާ ގޮތުގައި ޝޫޓިން ދެން ފެށޭވަރުވާނީ ދެ ހަފްތާ ފަހުންނެވެ. ޝޫޓިން ދެން ފަށާނީ މޫސުމަށް ބަލާފައެވެ. ފިލްމުގެ ޝޫޓިން ފެށުމާ އެކު މައްސަލައަކަށް ފަހު މައްސަލައެއް ދަނީ ކުރިމަތިވަމުންެނެވެ. މިއީ ތިން ޕްރޯދަކްޝަން ހައުސް ގުޅިގެން އުފައްދާ ފިލްމެކެވެ. އެއީ ދަރްމާ ޕްރޮޑަކްޝަންސް އާއި ނަދިއަދްވާލާ ގްރޭންޑްސަން އާއި ފޮކްސް ސްޓޫޑިއޯ އެވެ. މި ފިލްމު ޕްލޮޓކުރެވިފައިވަނީ 1940 ގައެވެ. ލީޑް ރޯލު ކުޅެނީ ވަރުން ދަވަން އާއި އާލިއާ ބަޓް އެވެ.
