އެމްޑީޕީގެ ރިޔާސީ ކެންޑިޑޭޓަކަށް އެ ޕާޓީގެ ޕާލަމެންޓްރީ ގްރޫޕުގެ ލީޑަރ އިބްރާހިމް މުހައްމަދު ޞާލިހަށް ތާއީދު ކުރެއްވުމަށް ނިންމަވައިފިކަމަށް ރައިްޔިތުންގެ މަޖިލީހުގެ ކުރީގެ ރައީސް އަދި އެމްޑީޕީގެ މެމްބަރު ޢަބްދުﷲ ޝާހިދު ނިންމަވައިފިއެވެ. އެމަނިކުފާނު މިކަން ހާމަކުރައްވާފައިވަނީ ދާދި ދެންމެ އަކު ކުރެއްވި ޓްވީޓެއްގައެވެ.
ޢަބްދުﷲ ޝާހިދު ގެ ޓްވީޓުގައި ވަނީ "ރައީސް މުހައްމަދު ނަޝީދަށް ލިބިވަޑައިގެންފައިވާ އެމްޑީޕީގެ ރިޔާސީ ޓިކެޓް ދޫކޮށްލެއްވުމަށް އެމަނިކުފާނު ނިންމަވާފައިވާތީ، ޕާޓީގެ އެއްބައިވަންތަކަން ހިފެހެއްޓެވުމުގެ މަގްސަދުގައި އެމްޑީޕީގެ ރިޔާސި ކެންޑިޑޭޓަކަށް އިބޫ ޞާލިޙް އަށް ތާއީދު ކުރުމަށް އަޅުގަނޑު ނިންމައިފިން" ކަމަށެވެ.
ޢަބްދުﷲ ޝާހިދް ގެ ޓްވީޓް:
Raees Nasheed ah libivadaigenfaivaa MDP ge Riyaasee Ticket dhookohlevvumah ninmavaafaivaathee
Party ge ebbaivanthakan hifehettumuge maqsadhgai MDP ge Riyaasee Candidate akah @ibusolih ah thaaeedh kurumah alhugandu nimmaifin. https://t.co/AAEpiobiuD— Abdulla Shahid (@abdulla_shahid) June 29, 2018
އިބްރާހިމް މުޙައްމަދު ޞާލިޙް އަށް ތާއީދު ކުރައްވާން ނިންމެވިކަން ޝާހިދު ހާމަ ކުރައްވާފައިވަނީ ރައީސް މުޙައްމަދް ނަޝީދް ރިޔާސީ އިންތިޚާބުގައި ވާދަނުކުރައްވާން ނިންމަވަައި ޖޮއިންޓް ޕާލަމެންޓްރީ ގްރޫޕަށް މިއަދު ހެނދުނު އެކަން އެންގެވުމުންނެވެ. ޓިކެޓް ދޫކޮށްލެއްވިކަން ރަސްމީ ކޮށް އިޢުލާން ކުރައްވާނީ މާދަމާ އުކުޅަހުގައި ބާއްވާ އެމްޑީޕީގެ ކޮންގްރެސްގައެވެ. ނަޝީދު ޓިކެޓް ދޫކުރައްވާން ނިންމަވައި އެކަން އިއުލާން މިކުރެއްވީ ކޯލިޝަނގެ މެދުގައި ނުސީދާކޮށް ބަހުގެ ހަމަލާތައް ބަދަލުކުރެވި ނުތަނަވަސްކަމެއް އުފެދިފައި އޮތް ދަނޑިވަޅެއްގައެވެ.
