ތޫނު އެއްޗަކުން ހަމަލާދީ ޒަޚަމްކޮށްލި ބިދޭސީއަކަށް ފަރުވާ ދެމުންދާކަމަށް ފުލުހުން ވިދާޅުވެއްްޖެއެވެ. މިމީހާއަށް ފަރުވާ ދެމުން ދަނީ އައިޖީއެމްއެޗްގައެވެ.
ފުލުހުން ވިދާޅުވީ ބިދޭސީއަކަށް ތޫނު އެއްޗަކުން ހަމަލާ ދިންކަމުގެ މައުލޫމާތު ލިބުނީ މިރޭ 10:5 ހާއިރު ކަމަށެވެ.
ބިދޭސީ މީހާއަށް ހަމަލާ ދީފައިވަނީ ފިޔާތޮށި ގޯޅީގައެވެ. މިހަމަލާ ދިން ގޮތުގެ ތަފްސީލާއި ބިދޭސީ މީހަށް ލިބިފައިވާ ޒަޚަމްގެ ތަފްޞީލެއް ވެސް ފުލުހުން ހާމައެއް ނުކުރައްވައެވެ. އަދި އެމައްސަލައިގައި މީހަކު ހައްޔަރުކޮށްފައިވާކަމަށްވެސް އަދި ވިދާޅެއް ނުވެއެވެ. ނަމަވެސް މައްސަލަ ފުލުހުން ތަހްގީގު ކުރަމުންދާކަމަށް ވިދާޅުވިއެވެ.
