އަމީނީމަގު މީރާ ކައިރިން ހޮވައިގެން ގެނެވިފައިވާ ފައިސާތަކެއްގެ ވެރިފަރާތެއް ހޯދުމުގެ މަސައްކަތް ކުރަމުން ގެންދާ ކަމަށް ފުލުހުން ހާމަކުރައްވައިފިއެވެ.
އެ ފައިސާތައް މީރާ ކައިރިން ފެނިފައިވަނީ ޖޫން 26 ވަނަ ދުވަހު އެސަރަޙައްދުން ދިޔަ މީހަކަށެވެ. އެމީހާވަނީ އެފައިސާތައް ފުލުހުންނާ ޙަވާލުކޮށްފައެވެ. މިފައިސާތަކުގެ ވެރިފަރާތުން، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ޑިއުޓީ ނަންބަރު 9631696 އަށް ގުޅުއްވައި، ވެރިފަރާތްކަން އެނގޭނެ ލިޔުމަކާއެކު ޝަހީދު ޙުސައިން އާދަމް ބިލްޑިންގަށް ހާޒިރުވެ ފައިސާއާ ޙަވާލުވުމަށް ފުލުހުން ވަނީ އެދިފައެވެ.
"މިފަދަ ކަންކަމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން މި ފުރުޞަތުގައި ފާހަގަކޮށް ޝުކުރު ދަންނަވަމެވެ." ފުލުހުން ވިދާޅުވެފައިވެއެވެ.
