'ކޮފީ ވިތް ކަރަން' ސީޒަން 6 ގެ މައިގަނޑު ތީމް ބިނާ ކޮށްފައިވަނީ އައިލީ ގުޅުން ބަދަހި ކުރުމުގެ މައްޗަށެވެ. ކޮންމެ އެޕިސޯޑަކަށް ދެ މަހްމާނުންނަށް ދައުވަތު ދޭ އިރު މި އަހަރުގެ ސީޒަންގައި ގިނައިން ބައިވެރިކޮށްފައިވަނީ އެއް އާއިލާ އަކަށް ނިސްބަތްވާ ފަންނާނުންނެެވެ. އެގޮތުން ސައިފް އަލީ ޚާން އާއި އޭނާގެ ދަރިފުޅު ސާރާ އަދި އަރްޖުން ކަޕޫރް އާއި ކޮއްކޮ ޖާންވީ ކަޕޫރް ބައިވެރިވިއެވެ.
ބުރާސްފަތި ދުވަހު އާއިލީ އިތުރު މެހްމާނުންތަކެއް މިވަނީ ޝޯޯގެ އެޕިސޯޑަކަށް ޝޫޓް ކޮށްފައެވެ. އެއީ މަޝްހޫރު ތަރި ޝާހިދް ކަޕޫރް އާއި މިއަހަރު އަލަށް ބޮލީވުޑަށް ތައާރަފް ވި އޭނާގެ ކޮއްކޮ އިޝާން ޚައްތަރް އެވެ، ޝޫޓިން އަށް ފަހު ކަރަން އިންސްޓެގްރާމްގައި ފޮޓޯ އެއް ޝެއަރ ކުރުމުން ގިނަ ބަޔަކު ދަނީ މި އެޕިސޯޑްގެ އިންތިޒާރުގައި ތިބިކަމަށް ބުނަމުންނެވެ.
ނިމިދިޔަ ސީޒަންގައި ޝާހިދް ޝޯގައި ބައިވެރިވީ ކަނ ްގަނާ ރަނޯތް އާ އެކުއެވެ. އާއިލާ އާއި ގާތް އެކުވެރިންނަށް ބޮލީވުޑުން އިސްކަން ދޭ ކަމަށް ކަންގަނާ ބުނުމުން އެ އެ މައުޟޫއު ވެގެން ދިޔައި ގައުމީ ބޮޑު ބަހުސަކަށެވެ.
ކޮފީ ވިތް ކަރަން މިހާރު ދައްކަން ފަށާފައިވާ އިރު އަންނަ އާދީއްތަ ދުވަހު ދައްކާނީ އަރްޖުން އާއި ޖާންވީ ގެ އެޕިސޯޑެވެ.
