މިއަހަރުގެ މޭ މަހު ކައިވެނި ކުރި ބޮލީވުޑްގެ ތަރި އަންގަދް ބޭދީ އާއި ނެހާ ދޫޕިއާ އަށް ދަރިއަކު ލިބެން އުޅޭކަން އެދެތަރީން ހާމަކޮށްފިއެވެ. ނެހާގެ ފިރިމީހާ އަންގަދްގެ އިނސްޓެގްރާމްގައި މިއަދުވަނީ ނެހާ އާއި އޭނާގެ ފޮޓޯ އެއް ޕޯސްޓުކޮށް ދެކެވެމުން އައި ތޯތޯ ވާހަކަ ހަގީގަތަކަށް ވެއްޖެ ކަމަށް ބުނެފައެވެ. ނެހާ އާއި އަންގަދް ކައިވެނި ކުރީއްސުރެ ނެހާ ބަލިވެ އިން ކަމުގެ އަޑުތައް ދަނީ ފެތުރެމުންނެވެ. ނަމަވެސް ނެހާގެ ބައްޕަ ވަނީ އެވާހަކތައް ދޮގުކޮށްފައެވެ.
ނެހާ އާއި އަންގަދް ކައިވެނި ކުރީވެސް ވަރަށް ސިއްރުންނެވެ. ކައިވެނި ކުރިކަން އިއުލާން ކުރީވެސް ބަލިވެއިންކަން އިއުލާން ކުރިގޮތަށް އިންސްޓެގްރާމްގައެވެ. ނެހާގެ އިންސްޓެގްރާމްގައި ފޮޓޯ ޝެއަރ ކުރަމުން އޭނާ ބުނެފައިވަނީ މުޅީން މިއީ މުޅީން އާ ފެށުމެއް ކަމަށެވެ.
ނެހާ އާއި އަންގަދް ކައިވެނި ކުރީ މިއަހަރުގެ މެ މަހުގެ 10ވަނަ ދުވަހުއެވެ. މި ދެތަރިން ވަނީ ދާދި ފަހުން ރާއްޖޭގައި ޗުއްޓީ ހޭދަކޮށްފައެވެ.
