ޗައިނާގައި އުފަންވި ތިންފައި ހުރި ކުއްޖެގެ އެއްފައި އޮޕަރޭޝަން ކޮށްގެން ނަގައިފި އެވެ.
މިކުއްޖާގެ އޮޕަރޭޝަން ޓީމުގައި ހިމެނުނު ޑޮކްޓަރަކު ބުނެފައި ވަނީ އެކުއްގާ ވިހޭއިރު އިތުރުފައެއް އުފެދިފައި ވަނީ އެކުއްޖާއާއެކު އުފެދެން އުޅުނު ޓްވިންސްގެ ކުއްޖެއްގެ ސަބަބުން ކަމަށެވެ. އަދި އެއީ މިލިޔަން ކުދިންގެ ތެރެއިން އެއް ކުއްޖަކަށް ދިމާވާ މައްސަލައެއް ކަމަށްވެސް ޑޮކްޓަރުން ވަނީ ބުނެފައިވެ އެވެ.
ފަޔާއެކު އެކުއްޖާ އުފަން ވުމުން ބެލެނިވެރިން ވަނީ އެކަން ރަނގަޅު ކުރުމަށްޓަކައި އެކި ފަރާތްފަރާތުގެ އެހީތެރިކަން ހޯދައިފަ އެވެ. ނަމަވެސް އެންމެ ފަހުން އެކަމަށް ބޭނުންވާ އެހީތެރިކަން ދީ އެކުއްޖާގެ އޮޕަރޭޝަންގެ ކަންތައް ހަމަޖައްސާފައި ވަނީ ޗައިނާގެ ޝަންހައި ޕަބްލިކް ހެލްތު ކްލިނިކުންނެވެ.
ކްލިނިކުން ބުނެފައި ވަނީ 11 މަހުގެ އެ ފިރިހެން ކުއްޖާގެ ފައި، ވަކި ކުރުމަށް 10 ގަޑިއިރުގެ އޮޕަރޭޝަނެއް ކުރަން ޖެހުނު ކަމަށެވެ. އަދި އޮޕަރޭޝަނަށްފަހު ކުއްޖާގެ ހާލު ރަނގަޅު ކަމަށްވެސް ބުނެފައިވެ އެވެ.
