ބްރަމާސްތްރާ ގެ މަންޒަރެއް ނަގަމުން ދަނިކޮށް އާލިއާ ބަޓް ވެއްޓި ކަނާއަތަށާއި ކޮނޑު ހުޅަށް ގެއްލުން ވެއްޖެއެވެ. ބްރަމާސްތްރާ ގެ މަންޒަރުތައް ނަގަމުން ދަނީ ބަލްގޭރިއާ ގައެވެ. ހިންދުސްތާން ޓްއިމްސް އިން ރިޕޯޓް ކޮށްފައިވާ ގޮތުގައި 2 ހަފްތާ ވަންދެން އަރާމު ކުރުމަށް ޑޮކްޓަރުން ވަނީ އާލިއާ އަށް ލަފާ ދީފައެވެ.
ފިލްމުގެ ކްރޫ އާ ހަވާލީދީ އެ ނޫހުގައި ބުނެފައިވާ ގޮތުގައި 15 ދުވަހު އަރާމު ކުރަން ޑޮކްޓަރުން ލަފާ ދީފއަވަނީ އާލިއާގެ އަތުގައި ލޭ ކޮޅެއް ގަނޑުވެފައި ހުރުމާ އޭނާގެ އަތަށާއި ކޮނޑު ހުޅަށް ވަރަށް ބޮޑަށް އަނިޔާ ވެފައިވާތީ އެވެ. އަނިޔާގެ ސަބަބުން އޭނާ އުޅެނީ ވަރަށް ވޭނުގައި ކަމަށް ހިންދުސްތާން ޓައިމްސް އިން ރިޕޯޓް ކުރެއެވެ. ފިލްމުގެ ޝެޑިއުލް ކުރީން ހަމަޖެހިފައި އޮތް ގޮތުން ފިލްމުގެ ޝޫޓިން ނިންމައި ޓީމު މުމްބާއީ އަށް އައުމަށް ހަމަޖެހިފައި އޮތީ މި މަހުގެ ފަހު ކޮޅުއެވެ. ނަމަވެސް އާލިއާ އަށް އަނިޔާ ވުމުން ކުރީގެ ޝެޑިއުލްއާ އެއްގޮތަށް ގޮތަށް ޝޫޓިން ކުރިއަކަށް ނުގެންދެވޭނެއެވެ.
އާލިއާގެ އިތުރުން ރަންބީރް ކަޕޫރް އާއި އޭނާގެ މަންމަ ނީތޫ އާއި މޯނި ރޯއި މި ފިލްމުގައި މުހިއްމު ރޯލުތަކެއް ކުޅެއެވެ.
