ދެކުނު ކޮރެޔާގެ ސަލާމަތީ އިދާރާތަކުގެ ވެރިންެގެ މައްޗަަށް އެކުލެވޭ ވަފުދެއް ދެދުވަހުގެ ދަތުރެއްގައި ހޯމަ ދުވަހު އުތުރު ކޮރެޔާއަށް ދާގޮތަށް ހަމަޖެހިފައިވާ ކަމަށް ދެކުނު ކޮރެޔާގެ ރިޔާސީ ގަނޑުވަރު ބްލޫ ހައުސް އިން އިޢުލާންކޮށްފިއެވެ. މިދަތުރު ހަމަޖެހިގެން މިދިޔައީ އުތުރު ކޮރެެޔާއާ އެކު ވާހަކަތައް ފެށުމަށް ތައްޔާރަށް ހުންނެވި ކަމަށް އެމެރިކާގެ ރައީސު ޑޮނަލްްޑް ޓްރަމްޕް ވިދާޅުވެފައިވަނިކޮށެވެ.
އަނެއްކޮޅުން އުތުރު ކޮރެޔާއިން ބުނީ އެެމެރިކާއާ އެކު ވާހަކަތައް ފެށުމަށް އެޤައުމުން އާދޭސް ނުކުރާނެ ކަމުގައެވެ. އަންނަ އެޕްރީލް މަހުގެ ތެރޭގައި ދެކުނު ކޮރެޔާއާ އެކު އެމެރިކާއިން ބާއްވާ ޢަސްކަރީ ތަމްރީނުތަކާ ދެކޮޅުކަން އެޤައުމުން ހާމަކޮށްފައި ވާއިރު، އެ ތަމްރީނުތައް ކުރިއަށް ގެންގޮސްފިނަމަ، އެމެރިކާއާ ދެކޮޅަށް އެކަށީގެންވާ ފިޔަވަޅު އަޅާނެކަމުގެ އިންޒާރު އެޤައުމުން ވަނީ ދީފައެވެ.
ބްލޫ ހައުސް އިން އިޢުލާންކުރި ގޮތުގައި، ނޭޝަަނަލް ސެކިއުރިޓީ އޮފީސް (އެންއެސްއޯ) ގެ ވެރިޔާ ޗުންގ އެއި ޔޮންގ އާއި ނޭޝަނަލް އިންޓެލިޖެންސް ސަރވިސްގެ ވެރިޔާ ސުހް ހޫން އާއެކު ދިހަ މީހުންެގެ މައްޗަށް އެކުލެވޭ ވަފުދެއް ޕިޔޮންގޔަަންގ އަށް ދާނެއެވެ.
މި ވަފުދަކީ ދެކޮރެޔާ ދެމެދުގައި އޮތް ނުތަނަވަސްކަން ކުޑަކުރުމަށާ، ބެލެވޭ ގޮތުގައި، އުތުރު ކޮރެޔާއާއި އެމެރިކާއާ ދެމެދު ވާހަކަތައް ފެށުމަށް މަގުފަހިކުރުމަށް ކުރެވޭ މަސައްކަތުގެ ބައެކެވެ. އުތުރު ކޮރެޔާއަށް ފަހު އެ ވަފުދު އެމެރިކާއަށް ދާނެއެވެ. އެއީ ޕިޔޮންގޔަންގ ގައި ދެކެވޭ ވާހަކަަތަކުގެ ތަފްޞީލު އެމެރިކާގެ އިސް މަސްއޫލުވެރިންނަށް ދިނުމަށެވެ.
އަހަރަކަށްވުރެ ގިނަ ދުވަހު ދެކޮރެޔާ ދެމެދު މަސްރަހު ވަރަށް ބޮޑަށް ހޫނުވެފައި އޮތުމަށް ފަހު، ދާދި ފަހުން ދެކުނު ކޮރެޔާގައި ބޭއެްވުނު ފިނިމޫސުމުގެ އޮލިމްޕިކްސްގެ )ސަބަބުން ދެކޮރެޔާގެ ގުޅުން ވަނީ ރަނގަޅުވާން ފަށާފައެވެ. (ޚަބަރު: ސައުތު ޗައިނާ މޯނިންގ ޕޯސްޓް
