
ހަނދުގެ އެތެރޭގައިވަނީ ކޮންއެއްޗެއްކަން ސައިންސްވެރިން ކަށަވަރުކޮށްދީފި
އިންސާނާގެ ދިރިހުރުމާއި ދިރިއުޅުމާ ގުޅިފައިވާ ، މުހިންމު ބަހާތަކެއް ކަމުގައިވާ ، ދުނިޔެއާއި ބިމާ އިރުހަނދުގެ ތެރެއިން ހަނދު އުފެދިފައިވާގޮތް ދިރާސާކޮށް ތަހުލީލު ކުރުމަށްފަހު ، ހަނދުގެ އެތެރޭގައިވަނީ ކޮން އެއްޗެއްކަން ، ސައިންސްވެރިން ، ރަސްމީގޮތުން ކަށަވަރުކޮށްދީފިއެވެ. މިކަން ކަށަވަރުކޮށް ، ސައިންސްވެރިން އިއްތިފާޤުވީ ، 22 އޯގަސްޓް 2024 ގައި ހާމަކުރި ބަޔާނަކުންނެވެ. ހަނދު އުފެދިފައިވަނީ ، ގްރީން ޗީޒުންނޫންކަމަށް ، ހުރިހާ ސައިންސްވެރިންވެސް އެއްބަސްވެއެވެ.
ކީރިތި ޤުރުއާނުގެ 27 އާޔަތެއްގައި 28 ފަހަރަށް ހަނދާބެހޭގޮތުން ، ﷲ ސުބްޙާނަހޫ ވަތަޢާލާ ބަސްވަޙީ ކުރައްވާފައި ވެއެވެ.
2023 ވަނައަހަރުގެ މޭމަހުގެ ތެރޭގައި ހިންގުނު ، ވަރަށް ހަރުދަނާ ތަޙުޤީޤަކުން އެނގިފައި އޮތްގޮތުގައި ، ހަނދުގެ އެތެރޭގެ ބައިތައް އުފެދިފައިވަނީ ، ބޯޅައެއްފަދައިން އުފެދިފައިވާ ދަނގަޑާ އެއްފަދަ މަޢުދަނަކުންނެވެ. މިއީ ، ހަނދު އުފެދިފައިވަނީ ، މަޢުދަނަކުންތޯ ނުވަތަ މަޑު އެއްޗަކުންތޯ ބެލުމަށް ، ސައިންސްވެރިންގެ މެދުގައި ކުރެވެމުންދާ ދިގު ބަހުސަށް ނިމުމެއް އަތުވެދާނެފަދަ އުއްމީދީ މަޢުލޫމާތެކެވެ. މިއީ ހަނދުގެ ތާރީޚާގުޅިފައި އޮތް ވަރަށް މުހިންމު މަޢުލޫމާތެކެވެ.
ފަރަންސޭސިވިލާތުގެ ނޭޝަނަލް ސެންޓަރ ފޯރ ސައިންޓިފިކް ރިސާރޗުން ދާދިމިދާކަށްދުވަހު މިކަމާބެހޭގޮތުން ބަޔާނެއް ނެރެފައި ވެއެވެ. ހަނދަށްދަމާ ބާރުގެ ދިރާސާއަކުން ދައްކާގޮތުގައި ، ދުނިޔެވަށައި ހަނދު އެނބުރުމުގައި ، ހަނދުގެ އެތެރޭގައިވާ ދަމާބާރުގެ މާއްދާތައް އުފެދުން ގުޅިފައިވަނީ ، ކާއިނާތުގެ ފުރަތަމަ ބިލިއަން އަހަރުގެ ދުވަސްތަކާކަން އަންގައިދޭ ސައިންޓިފިކް ހެކިތައް އެބަހުއްޓެވެ. ކާއިނާތުގައިވާ ހަނދު ނުވަތަ މަޑިކިލަނބުފަދަ އެކި ތަކެތީގެ އެތެރޭގައިހުންނަ ބައިތައް ތަހުލީލުކޮށް ދިރާސާކޮށް އަދި މިންކުރެވެނީ ސީސްމިކް ޑޭޓާ ، ނުވަތަ އޭގެ އެތެރޭގެ އެކިބައިތަކުގެ މިންނަގައިގެންނެވެ. އެއީ ވަރަށް މުހިންމު ސާރވޭއެކެވެ. ޚާއްޞަކޮށް ، އެ އެއްޗެއްގެ އެތެރޭގައި ހުންނަ މާއްދާތަކާއި މައުދަނުގެ ތަފްޞީލު ، މިބާވަތުގެ ސާރވޭގެ ތަފާސްހިސާބުން އަންގައި ދެއެވެ. އެޕޯލޯ 11 އިން ދުނިޔެއަށް ފޮނުވާފައިހުރި ސީސްމިކް ޑޭޓާއަކީ ވަރަށް ނުސާފު މަޢުލޫމާތެކެވެ. އެހެންކަމުން ، ހަނދުގެ އެތެރޭގެ އެއްވެސް މަޢުލޫމާތެއް އެ ތަފާސްހިސާބުތަކުން ސާފުކުރެވިފައެއް ނުވެއެވެ. އެހެނަސް ، ހަނދުގައި ދިޔާތަކެތީގެ މާއްދާއާއި މަޢުދަނުގެ މާއްދާތައް އެހިސާބުތަކުން މިންކުރެވެއެވެ. ފަރަންސޭސި ސައިންޓިސްޓުން ފަހުން މިހޯދި މަޢުލޫމާތުގެ އަލީގައި ، ދުނިޔެއާއި ހަނދުގެ ދަމާބާރާއި އެބާރާ ދުނިޔެއާ ދެމެދުގައި އޮތް ގުޅުމާ އަދި ދުނިޔެއާ ހަނދާ ދެމެދުގެ ދުރުމިންފަދަ މަޢުލޫމާތު އަންގައި ދެއެވެ. ހަނދު އެނބުރެމުންދާއިރު ، ހަނދުގެ އެތެރޭގައިވާ ލުއި ދިޔާތަކެތި ލަހުން ، އަދި ބަރު މަޢުދަނުގެ ބާވަތްތައް އަވަހަށް ، ހަނދުގެ މެދަށް ޖަމާވާކަންވެސް ، ފަރަންސޭސި ސައިންޓިސްޓުންގެ ޓީމުން ހޯދާފައި ވެއެވެ. އެކިޒަމާނުގައި ހަނދުން ގޮވާފައިވާ ސަރަޙައްދުތަކުގައި ހިމެނޭ އެކިބާވަތްތަކުގެ މަޢުލޫމާތުވެސް ، ޓީމުން ހޯދާފައި ވެއެވެ.
ހަނދުގެ އަޞްލަކީ ބިމާއެއްފަދައިން ، ބޭރުގައި ދިޔާތަކެތީގެ ފަށަލައެއް އޮވެ ، އެތެރޭގައި ހަރު މަޢުދަނުގެ ފަށަލައެއް ހިމެނޭ އަޞްލެކެވެ.
ހަނދުގެ ބޭރުފަށަލައިގެ ރޭޑިއަސްއަކީ ގާތްގަނޑަކަށް 362 ކިލޯމީޓަރެވެ. އެތެރެ ފަށަލައިގެ ރޭޑިއަސްއަކީ 258 ކިލޯމީޓަރެވެ. އަދި ، މުޅި ހަނދުގެ ރޭޑިއަސްއަކީ 1737 ކިލޯމީޓަރެވެ. ބިމުގެ އެތެރެ ފަށަލައިގެ ރޭޑިއަސްއަކީ 1220 ކިލޯމީޓަރެވެ. ބޭރުފަށަލައިގެ ރޭޑިއަސްއަކީ 3400 ކިލޯމީޓަރެވެ. ބިމުގެ ރޭޑިއަސްއަކީ 6371 ކިލޯމީޓެވެ. ބިމާއި ހަނދުގެ ބޮޑުމިނަށް ބަލާއިރު ، ހަނދަށްވުރެ ބޮޑީ ބިމެވެ. ގާތްގަނޑަކަށް ، ހަނދުގެ ބޮޑުމިނަށްވުރެ ހަތަރުގުނަ ބިމުގެ ސައިޒު ބޮޑެވެ.
ފަރަންސޭސި ސްއިންޓިސްޓުން މިހޯދި މަޢުލޫމާތަކީ އެޕޯލޯގެ ޑޭޓާތަކާވެސް ދާދިއެއްގޮތް މަޢުލޫމާތެކެވެ. އެޕޯލޯގެ ޑޭޓާތަކުން 2011 ވަނައަހަރު ، ހޯދުނު މަޢުލޫމާތަކުން އެނގުނުގޮތުގައި ، ހަނދުގެ އެތެރެ ފަށަލައިގެ ރޭޑިއަސްއަކީ 240 ކިލޯމީޓަރެވެ.
ފަރަންސޭސި ސައިންޓިސްޓުންހޯދި އިތުރު ހޯދުމަކަށްބަލާއިރު ، ހަނދުގެ ކިއުބިކް މީޓަރުގެ ޑެންސިޓީއަކީ 7822 ކިލޯގްރާމެވެ. އެއީ ދަނގަޑުގެ ޑެންސިޓީއާ ދާދި އެއްވަރެއްގެ ބަރުދަނެކެވެ. އެޕޯލޯގެ ޑޭޓާއިން ހަނދުގެ ކިއުބިކް މީޓަރެއްގެ ޑެންސިޓީއަކަށް ބަލާފައިވަނީ 8000 ކިލޯގްރާމެވެ. މިއީވެސް ބިމުގެ ޑެންސިޓީއާ ދާދި އެއްމިންގަނޑެކެވެ. ހަނދު އުފެދުމާގުޅޭ ، ސައިންސްގެ މުހިންމު މަޢުލޫމާތުތަކެއް މިޑޭޓާތަކުން އަންގައިދެއެވެ. ސައިންސްގެ ހޯދުންތަކުން މިހާތަނަށް އެނގިފައިވާގޮތުގައި ، ހަނދު އުފެދިގެންއައި ދުވަސްވަރު ، ހަނދުގެ ދަމާބާރު ވަރަށް ގަދައެވެ. އެހެނަސް ، މީގެ 3.2 ބިލިއަން އަހަރުކުރިން ، ހަނދުގެ ދަމާބާރު ކުޑަވާން ފެށިއެވެ. އެބަދަލުތައް އަންނަންފެށީ ހަނދުގެ ފަށަލަތަކުންނެވެ. ހަނދުގައި ދިރިއުޅެން ، އިންސާނުން ކުރަމުންގެންދާ އުއްމީދުގައި ކުލަޖެހިގެން ދިއުމަކީ ދާދިގާތުގައި އޮތް ކަމެކެވެ.