8 އެޕްރީލް 2024 ވާ ހޯމަދުވަހަކީ ، ހަތަރު މިނިޓެއްހާއިރަށް ، މުޅިދުނިޔެ އެއްކޮށް އަނދިރިވާވަރުގެ އިރުކޭތައެއް ހިފާ ދުވަހެކެވެ. ކޭތަ ހިފަން ފަށާނީ ދެކުނު ޕެސިފިކް ކަނޑުންނެވެ. ކޭތަ ހިފަމުންދާއިރު ، ދަތުރުކުރަމުންދާނީ ، އެމެރިކާގެ އުތުރުގެ ސްޓޭޓްތަކުގެ މަތިންނެވެ. އެމެރިކާގެ އުތުރާއި މެދުތެރޭ އެމެރިކާގެ ސަރަޙައްދަށް ، ބައިކުޅަބަޔަށް ހިފާފައިވާ އިރުކޭތައެއް ފެންނާނެއެވެ. އެމެރިކާގެ ފަނަރަ ސްޓޭޓަކާއި މެކްސިކޯ އަދި ކެނެޑާއަށް ، ދުނިޔެ އަނދިރިވެ ، އެއްކޮށް އިރުކޭތަ ހިފާފައިވާތަން ފެންނާނެއެވެ. އެއީ 185 ކިލޯމީޓަރުގެ ފުޅާމިނަކަށެވެ.
އިރުކޭތަ ހިފަނީ އިރާއި ބިމާދެމެދަށް ހަނދުވަދެ އިރުގެ ފަރުދާއަކަށް ވުމުންނެވެ. އިރުގެ މޫނުމަތި އެއްކޮށް ނިވައި ކޮށްލުމުންނެވެ. އިރުގެ އަލި ގެއްލޭހިނދު ، ފަތިހުގެ އަލިކަމާ އެއްފަދަ އަލިކަމެއް ، އިރުކޭތަ ހިފުމުން ދުނިޔެއަށް ޢާންމު ވާނެއެވެ. އިރުކޭތަ ހިފާނީ މަހަކަށް ހަނދުބަލާއިރު ، އާ ހަނދަކާ އެކީގައެވެ.
ކެނެޑާއަށް އެއްކޮށް ކޭތަހިފާފައި ހުންނާނީ 34 މިނެޓާއި 4 ސިކުންތަށެވެ. މެކްސިކޯއަށް އެއްކޮށް ކޭތަހިފާފައި ހުންނާނީ ، 40 މިނެޓާއި 43 ސިކުންތަށެވެ. އަސި އެމެރިކާގެ އެކިހިސާބަށް އެއްކޮށް ކޭތަހިފާފައި ހުންނާނީ 1 ގަޑިއިރާއި 7 މިނެޓާ އަދި 58 ސިކުންތަށެވެ.
ރާއްޖޭގައި އެންމެ އަވަހަށް ، އެއްކޮށް ކޭތައެއް ހިފާނީ 2053 ވަނައަހަރުގެ ޑިސެމްބަރ މަހުގެ 9 ވަނަ ދުވަހުއެވެ. އޭގެކުރިން 2027 ވަނައަހަރުގެ ފެބްރުއަރީ މަހުގެ 8 ވަނަދުވަހު ، ބައިކުޅަބައެއްގެ ކޭތައެއް ރާއްޖެޔަށް ފެންނާނެއެވެ. އަދި 2059 ވަނައަހަރުގެ މޭމަހުގެ 11 ވަނަދުވަހު ، އަލިފާންބޮޅެއްސިފަކޮށްދޭ ކޭތައެއް ރާއްޖެއަށް ފެންނާނެއެވެ.
