މާލޭ ސިޓީގެ މޭޔަރުކަަމަށް ކުރިމަތިލައްވާފައިވާ އައިޗަތު އާޒިމާ ޝަކޫރުގެ މެނިފެސްޓޯ ލޯންޗުކޮށްފިއެވެ.
ރޭ ބޭއްވި ރަސްމިއްޔާތެއްގައި މެނިފެސްޓޯ ލޯންުކޮށްފައިވާއިރު، އާޒިމާ ވާދަކުރައްވަނީ ވެރިކަންކުރާ ޕާޓީ، ޕީއެންސީގެ ފަރާތުންނެވެ.
އާޒިމާގެ މެނިފެސްޓޯގައި މާލޭގެ މުލިސިޕަލް ޚިދުމަތްތައް އިތުރަށް ރަނގަޅު ކުރުމަށް ގިނަ ކަންތައްތަކެއް ވަނީ ހިމަނާފައެވެ. އަދި އަންހެނުންނަށް އިސްކަންދީގެ، އަންހެނުންނަށް ވަޒީފާގެ ފުރުސަތު އިތުރު ކުރުމަށާއި އަންހެނުން ބާރުވެރިކުރުމަށް ޚާއްސަ ސަމާލުކަމެއް ވެސް ވަނީ ދީފައެވެ.
ދޮންމަނިކު ސްކައިވިއު ތިރީގައި ހުންނަ ޕީއެންސީގެ މައި ޖަގަހައިގާ ބޭއްވި ޖަލްސާގައި ރައީސް މުއިއްޒު ވެސް ބައިވެރިވެވަޑައިގެންނެވިއިރު، އާޒިމާ ވިދާޅުވީ މެނިފެސްޓޯ އެކުލަވައިލައިފައިވަނީ ރައީސް މުއިއްޒު މޭޔަރުކަމުގައި ހުންނެވިއިރު، ކައުންސިލުގައި އެކުލަވައިލައިފައި އޮތް ސްޓްރެޓެޖިކް އެކްޝަން ޕްލޭނާއި، ޕީޕިއެމް ޕީއެންސީގެ ރިޔާސީ މެނިފެސްޓޯއާ އެއްގޮތްވާ ގޮތުގެމަތިން ކަމުގައެވެ.
އާޒިމާގެ މެނިފެސްޓޯގައި ހިމަނާގައިވާ މައިގަޑު ބައިތައް:
- ހިތްހަމަޖެހިގެން ހިނިތުންވުމާއެކު
- ގުޅިގެން އެކުގައި ތަރައްގީކުރުމުގައި ބައިވެރިވުން
- ގްރޭޓާ މާލޭގެ ކަނޑުފަޅު ފަރުގެ ފުރިހަމަ ނަފާއަށް
- ފަޚުރުވެރި އަންހެނުން
- އިލްމާއި ހުނަރުގެ ވެށި
- 21ވަނަ ޤަރުނަށް ފައްކާ ކުރެވިފައި
- ދިވެހިންގެ އިޤްތިޞާދުގެ ވިންދު
- ހަމަޖެހިގެން ދިރިއުޅެވޭނެ މާހައުލެއް
