ސްޓޭޓް އިލެކްޓްރިކް ކޮމްޕެނީ (ސްޓެލްކޯ)ގެ އިލެކްޓްރިކް ސަބް ސްޓޭޝަނެއްގެ ޑިސްޓްރިބިއުޝަން ފޮއްޓެއްގައި ރޭ ފަތިހު އަލިފާން ރޯކޮށްލި މައްސަލައިގައި ދެމީހަކު ފުލުހުން ހައްޔަރު ކޮށްފިއެވެ.
ފުލުހުން ބުނީ ހައްޔަރު ކޮށްފައި ވަނީ އުމުރުން 34 އަހަރުގެ ފިރިހެނަކާއި 28 އަހަރުގެ ފިރިހެނެއް ކަމަށެވެ. މިދެމީހުންވެސް ހައްޔަރުކޮށްފައިވަނީ ރޭގެވަގުތެއްގައެވެ.
ފާށަނާކިލެގެފާނު މަގުގައި ހުންނަ ސްޓެލްކޯގެ އިލެކްޓްރިކް ސަބް ސްޓޭޝަނެއްގެ ޑިސްޓްރިބިއުޝަން ފޮއްޓެއްގައި އަލިފާން ރޯކޮށްލާފައިވަނީ ރޭ ފަތިހު 4:25 ހާއިރުއެވެ. ޑިސްޓްރިބިއުޝަން ފޮށީގައި ރޯވެފައިވާ އަލިފާން ނިއްވާލާފައި ވަނީ ރޭ 4:40 ހާއިރުއެވެ. ފޮށީގައި ރޯކޮށްލުމުން އެ ފޮއްޓާ ގުޅިފައިވާ ސަރަހައްދު ތަކުން ވަނީ ކަރަންޓު ގޮސްފައެވެ.
