ކުރީގެ ރައީސް އަދި ބައްޕާފުޅު މައުމޫން އަބްދުލްގަތްޔޫމް ދޫނިދޫ ޖަލުގައި ދެރޭ ހޭދަ ކުރައްވައިފި ކަމަށާއި އެކަމާމެދު ވަރަށް ކަންބޮޑުވާ ކަމަށް ސަރުކާރުގެ ސްޓޭޓް މިނިސްޓަރު ކަމުގައި މިވަގުތުވެސް ހުންނެވި މައުމޫންގެ ދަރިކަނބަލުން ދުންޔާ މައުމޫން ވިދާޅުވެއްޖެއެވެ.
ދުންޔާ ވިދާޅުވީ ބައްޕާފުޅު ދޫނިދޫ ޖަލުގައި ދުވަސްތައް ހޭދަކުރައްވާއިރު ވަރަށް ބޮޑަށް ބައްޕާފުޅުމަތިން ހަނދާންވާ ކަމަށެވެ. އަދި ވަރަށް އަވަހަށް ބައްޕާފުޅު ޖަލުން އެނބުރި ގެޔަށް ވަޑައިގެންނެވޭނެ ކަމަށް އުންމީދު ކުރައްވާ ކަމަށްވެސް ދުންޔާ ވަނީ ވިދާޅުވެފައެވެ.
ރައީސް މައުމޫން ދޫނިދޫ ޖަލަށް ގެންދެވިފައިވާއިރު އެމަނިކުފާނުގެ ދަރިކަލުން ޣައްސާން މައުމޫން އާއި ދުންޔާ މައުމޫން ހުންނެވީ ސަރުކާރުގެ ސްޓޭޓް މިނިސްޓަރު ކަމުގައެވެ. ދުންޔާއަކީ ރައީސް އަބްދުﷲ ޔާމީންގެ ސަރުކާރުގެ ފޮރިން މިނިސްޓަރުކަންވެސް ކުރައްވާފައި ހުންނެވި ބޭފުޅެޅެކެވެ.
