ކޮމިޝަނަރ އޮފް ޕޮލިސް ކަމުގެ މަގާމުން އަޙްމަދު އަރީފް މިރޭ ވަކިކޮށްފިއެވެ.
ޕޮލިސް ކޮމިޝަނަރު ކަމުން އަރީފް ވަކިކުރެއްވިކަން ސަރުކާރުގެ ފަރާތުން މިރޭ ކަށަވަރު ކޮށްދެއްވީ ބަންޑާރަ ނައިބު އަނިލްއެވެ. ހޯމް މިނިސްޓަރާއި ޑިފެންސް މިނިސްޓަރުވެސް ބައިވެރިވެވަޑައިގެންނެވި ޕްރެސް ކޮންފަރެންސެއްގައި އަނިލް ސުޕްރީމް ކޯޓުން މިރޭ ނެރުނު އަމުރާއި ގުޅިގެން ފުލުހުންގެ މުއައްސަސާއިން އަމަލު ކުރާނެ ގޮތަކާމެދު ވާހަކަފުޅު ދެއްކެވުމަށްޓަކައި ރައީސުލްޖުމްހޫރިއްޔާ އަބްދުﷲ ޔާމީން މިރޭ ވަރަށްގިނަ ފަހަރު އަރީފަށް ގުޅުއްވޭތޯ މަސައްކަތް ކުރެއްވި ކަމަށާއި ނަމަވެސް ޕޮލިސް ކޮމިޝަނަރާ ރައީސްއަށް ނުގުޅުއްވުނު ކަމަށެވެ.
އެހެންވެ ރައީސް މިހާރު ވަނީ އަރީފް އެމަގާމުން ވަކިކުރައްވާފައި ކަމަށް ބަންޑާރަ ނައިބު ވިދާޅުވިއެވެ. އަރީފް މަގާމުން ވަކި ކުރެއްވުމާއެކު މިވަގުތު ފުލުހުންގެ މުއައްސަސާއާ ހަވާލުވެ ހުންނެވީ ޑެޕިއުޓީ ކޮމިޝަނަރ އޮފް ޕޮލިސް އަހްމަދު ސައުދީ ކަމަށްވެސް އަނިލް ވިދާޅުވިއެވެ.
