ސްރީލަންކާގެ "ފިޓްސް އެއަރ" ގެ ދަތުރުތައް މިއަހަރުގެ އޮކްޓޯބަރ މަހު ރާއްޖެއަށް ފަށަން ނިންމައިފި އެވެ.
އެގައުމުގެ އެންމެ ބޮޑު ޕްރައިވެޓް އެއަރލައިނުން ނެރުނު ބަޔާނެއްގައި ބުނީ މާލެއަށް ޝެޑިއުލް ދަތުރުތައް ފަށާނީ އަންނަ އޮކްޓޫބަރު މަހުގެ 10 ވަނަ ދުވަހުން ފެށިގެން ކަމަށެވެ. އަދި މި އެއަރލައިނުން ހަފްތާއަކު ތިން ފްލައިޓް ރާއްޖެއަށް ބޭއްވުމަށް ނިންމާފައިވާ ކަމަށެވެ.
އެއީ ކޮންމެ ހަފުތާއެއްގެ ހޯމަ، ބުރާސްފަތި އަދި ހޮނިހިރު ދުވަހު ކަމަށް އެ އެއަރލައިނުން ބުނެއެވެ.
މި އެއަރލައިނަކީ ރާއްޖެ އާއި ލަންކާއާ ދެމެދު ކާގޯ އޮޕަރޭޝަންތައް މީގެކުރިން ކުރިއަށް ގެންގޮސްފައިވާ އެއަރލައިނެލެވެ.
އެ އަރލައިނުން ރާއްޖެއަށް ކާގޯ ދަތުރުތައް ފުރތަމަ ކުރަން ފެށީ 2020 ވަނަ އަހަރުގެ އޭޕްރީލް މަހު އެވެ. ފިޓްސްއެއަރ އަކީ ލަންކާގެ ދެވަނަ އިންޓަރނޭޝަނަލް އެއަރލައިނެވެ.
