ޑޮކްޓަރު އަބްދުﷲ ވަހީދު އަވަހާރަ ވެއްޖެ އެވެ.
ރާއްޖޭގެ ފުރަތަމަ އޮޕަރޭޝަން ޑޮކްޓަރު އަވަހާރަވީ ނިއުމޯނިއާއަށް ފަރުވާ ހޯއްދަވަނިކޮށް އުމުރުން 65 އަހަރުފުޅުގައި އައިޖީއެމްޗްގަ އެވެ.
ޑޮކްޓަރ ވަހީދު ވަނީ ޕޮލިސް އިންޓެރްގްރިޓީ ކޮމިޝަން (ޕީއައިސީ) ގެ ރައީސްކަމާއި ހެލްތު މިނިސްޓްރީގެ ޑިރެކްޓަރ ޖެނެރަލް އޮފް ހެލްތު ސާވިސަސްގެ މަގާމު ގިނަ ދުވަސްތަކެއް ވަންދެން ފުރުއްވާފަ އެވެ. އަދި ހެލްތު މިނިސްޓްރީގެ ސްޓޭޓް މިނިސްޓަރުކަން ވެސް ވަނީ ކުރައްވާފަ އެވެ.
ޑރ. ވަހީދު އަވަހާރަވިއިރު، އަނބިކަނބަލަކާއި ދެ ފިރިހެން ބޭފުޅުން ދުނިޔޭގައި އެބަތިއްބެވި އެވެ.
އޭނާގެ ކަށުނަމާދު ބޭއްވުމަށް ނިންމާފައިވަނީ މިއަދު އަސުރު ނަމާދަށްފަހު މަސްޖިދު ތައާވުން (އާސަހަރާ މިސްކިތު) ގަ އެވެ.
