އިންތިގާލީ އިންސާފުގެ އޮމްބަޑްސްޕަރސަންގެ އޮފީހަށް (ކަނީރުމާގެ، ރ. އަނގޮޅިތީމު) މުޞްޠަފާ ޙަމީދު އައްޔަން ކުރައްވައިފި އެވެ.
އިންތިގާލީ އިންސާފުގެ އޮމްބަޑްސްޕަރސަންގެ އޮފީހަށް ރައީސުލްޖުމްހޫރިއްޔާ ޢައްޔަންކުރައްވާފައިވާ މުޞްޠަފާ ޙަމީދު 2021 ވަނަ އަހަރުން ފެށިގެން އަދާ ކުރައްވަމުން ގެންދަވާފައި ވަނީ އިންތިގާލީ އިންސާފުގެ އޮމްބަޑްސްޕަރސަންގެ އޮފީހުގެ އިންވެސްޓިގޭޓަރގެ މަޤާމެވެ.
ދިވެހިރާއްޖޭގެ އިސްލާމީ ޔުނިވަރސިޓީން ޖުޑީޝަލް ސައިންސް އެންޑް އިސްލާމިކް ޝަރީޢާ ޕޮލިސީގެ ދާއިރާއިން މާސްޓަރސް ސަނަދަށް މުޞްޠަފާ ޙަމީދު ގެންދަވަނީ ކިޔަވާވިދާޅުވަމުން ނެވެ.
ދިވެހިރާއްޖޭގެ އިސްލާމީ ޔުނިވަރސިޓީން ޝަރީޢާ އެންޑް ލޯގެ ދާއިރާއިން ބެޗެލަރސް ސަނަދު ހާސިލު ކުރައްވާފައިވާ މުޞްޠަފާ ޙަމީދު ވަނީ ކުޑަކުދިންގެ އަދުލުގެ ނިޒާމުގެ ދާއިރާއިން ތަމްރީނު ފުރިހަމަ ކުރައްވާފަ އެވެ.
