މޯލްޑިވްސް މީޑިއާ ކައުންސިލު މިހާދުވަހު އޮތީ ކޮންތާކުތޯ، ރައްޔިތުންގެ މަޖިލީހުގެ ގައްދޫ ދާއިރާގެ މެމްބަރު ރަޝީދު ސުވާލުކުރައްވައިފިއެވެ.
އޭނާ މިފަދައިން ސުވާލުކުރައްވާފައި މިވަނީ އާންމު ފަރުދުންގެ އަބުރަށް ނުވަތަ ހައްޤަކަށް އުނިކަމެއް އަތުވެދާނެފަދަ މައުލޫމާތަކަށްވާ ނަމަ، އެ މައުލޫމާތެއްގެ ސައްޙަކަން ކަށަވަރުކުރުމަށްފަހު ނޫނީ އެ މައުލޫމާތެއް ފެތުރުމަކީ ޤާނޫނާއި ދިވެހި މީޑިއާގެ އާންމު ހަމަތަކާ ވެސް ޚިލާފު ކަމެއް ކަމަަށް މީޑިއާ ކައުންސިލުން ބުނެ ބަޔާނެއް ނެރުމުންނެވެ.
މެމްބަރު ރަޝީދު ކުރެއްވި ޓްވީޓެއްގައި ވަނީ ކުއްލިއަކަށް ކަންބޮޑުވެ، ގަވާއިދާއި ޤާނޫނަށް ހުރުމަތްތެރިވާން މިޖެހުނީ ކީއްވެތޯ ސުވާލު ކުރައްވާފައެވެ. އަދި އަދި އެމްޑީޕީގެ ބޮޑުން ފަޟީހަތްވާން ފެށީމަތޯ ވެސް ސުވާލުކުރައްވާފައިވެއެވެ.
މީގެ އިތުރުން ރަޝީދު ވަނީ މީގެކުރިން އެހެންމީހުންގެ އަބުރު ކަތިލަމުން ދިޔައިރު، ޗުއްޕު ވެސް ބުނެނުލާކަމަށް ވެސް ވިދާޚުވެފައެވެ.
@mmc_mv mihaadhuvahu othee konthaaku thoa? Kulliakah kanboduve gavidhaai gaanoonah hurumaiy therivaan mi jehunee? MDP ge bodun falheehaiy vaan fesheema thoa? Meege kurin ehenmeehunge aburu kathilamun dhiyairu chupuves bune nulaa. https://t.co/xDoxUwAzqU
— Rasheed (@GadhdhooRasheed) July 31, 2022
މޯލްޑިވްސް މީޑިއާ ކައުންސިލުން ނެރުނު ބަޔާނުގައި ބުނެފައިވަނީ ޒިންމާދާރުކަމާއެކު ޚަބަރާއި މައުލޫމާތު ފެތުރުމަށް މޯލްޑިވްސް މީޑިއާ ކައުންސިލުން ނޫސްވެރިންނަށް އިލްތިމާސްކޮށްފައެވެ. އަދި ނޫސްވެރިންނާއި މީޑިއާތަކުން އެ ޙައްޤު ބޭނުންކުރުމުގައި މޯލްޑިވްސް މީޑިއާ ކައުންސިލުގެ ޤާނޫނާއި ގަވާއިދަށާއި އަދި ދިވެހި މީޑިއާގެ ހަމަތަކާ އަޚްލާޤީ މިންގަނޑާ އެއްގޮތަށް ޚަބަރާއި މައުލޫމާތު ފޯރުކޮށްދިނުމަށް ޚާއްސަ ސަމާލުކަމެއް ދިނުމަށް، އެންމެހައި ނޫސްވެރިންނާއި މީޑިއާތަކަށް އިލްތިމާސްކުރާ ކަމަށް ވެސް ވަނީ ބުނެފައެވެ.
ޚާއްސަ ގޮތެއްގައި، އާންމު ފަރުދުންގެ އަބުރަށް ނުވަތަ ހައްޤަކަށް އުނިކަމެއް އަތުވެދާނެފަދަ މައުލޫމާތަކަށްވާ ނަމަ، އެ މައުލޫމާތެއްގެ ސައްޙަކަން ކަށަވަރުކުރުމަށްފަހު ނޫނީ އެ މައުލޫމާތެއް ފެތުރުމަކީ އެ ކައުންސިލުގެ ޤާނޫނާއި ދިވެހި މީޑިއާގެ އާންމު ހަމަތަކާ ވެސް ޚިލާފުކަމެއްކަން ވަނީ ހަނދާންކޮށްދީފައެވެ.
ދިވެހި މީޑިއާގެ ހަމަތަކާ އަޚްލާޤީ މިންގަނޑާ އެއްގޮތަށް ޚަބަރާއި މައުލޫމާތު ފޯރުކޮށްދިނުމަށް ޚާއްސަ ސަމާލުކަމެއް ދިނުމަށް، ނޫސްވެރިންނާއި މީޑިއާތަކަށް އިލްތިމާސްކުރުން pic.twitter.com/Mx1Uv22sAW
— Maldives Media Council (@mmc_mv) July 31, 2022
