ޖަރާސީމުން ތަޣައްޔަރުވެފައިވާ އުފެއްދުންތަކެއް ރާއްޖޭގެ ބާޒާރުގައި ވިއްކަމުންދާތީ ސަމާލުވުމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެފްޑީއޭ) އިން އިލްތިމާސްކޮށްފިއެވެ.
އެފްޑީއޭ އިން ބުނީ ރާއްޖޭގެ ބާޒާރުގައި ވިއްކަމުންދަނީ ސެލްމޮނެއްލާ ޖަރާސީމުން ތަޣައްޔަރުވެފައިވާ އުފެއްދުންތަކެއް ކަމަށެވެ.
" ސެލްމޮނެއްލާއިން ތަޣައްޔަރުވެފައިވާ އުފެއްދުމެއް ކަމަށްވާ "ވޭރސްޓެޖަން ސްޕައިސެސް އެންޑް ސޯސެސް ބީ.ވީ" ބްރޭންޑުގެ "ހާބަލް މިކްސް" ރާއްޖެއަށް އެތެރެވެފައިވާކަން މި އޮތޯރިޓީއަށް ޔޫރަޕިއަން ޔޫނިއަންގެ ރެޕިޑް އެލަރޓް ސިސްޓަމް ފޯ ފުޑް އެންޑް ފީޑް (އާރްއޭއެސްއެފްއެފް) އިން ވަނީ އަންގާފަ." އެފްޑީއޭ އިން ނެރުނު ނޫސްބަޔާނުގައި ބުނެފައިވެއެވެ.
މިއީ ނަދަލޭންޑްސްގ އުފެއްދުމެއް ކަމަށާއި އެކްސްޕޯޓުކޮށްފައިވަނީ ނެދަރލެންޑްސްގެ ކުންފުންޏެއް ކަމަށްވާ އެން އެލް ފުޑް ބީވީ އިން ކަމަށް ވެސް އެފްޑީއޭ އިން ވަނީ ބުނެފައެވެ.
އެ އޮތޯރިޓީން އިތުރަށް ބުނީ މިއުފެއްދުމުގެ ސަބަބުން ކާބޯތަކެތީގެ ރައްކާތެރިކަމަށް އޮތް ހިރާސް ގެ މިންވަރު ދެނެގަތުމުގެ މަސައްކަތް އެ އޮތޯރިޓީން ކުރަމުން އަންނަ ކަމަށެވެ.
އެހެންކަމުން ރައްކާތެރިކަމުގެ ފިޔަވަޅެއްގެ ގޮތުން ބައެއް އުފެއްދުންތައް ނުވިއްކުމަށާއި ބޭނުން ނުކުރުމަށް އެ އޮތޯރިޓީން ވަނީ އަންގާފައެވެ.
އެ އުފެއްދުންތަކަކީ:
- ވޭރސްޓެޖަން ސްޕްރެޑާ ލެމަންގްރާސް – 25 ގްރާމް (ބާކޯޑް ނަންބަރު : 8712200951168)
- ވޭރސްޓެޖަން މިކްސް ބާމި/ނާސި – 30 ގްރާމް (ބާކޯޑް ނަންބަރު :8712200982148)
- ވޭރސްޓެޖަން މިކްސް ސަޓާއީ – 30 ގްރާމް (ބާކޯޑް ނަންބަރު : 8712200982261
