"ނޭވާހޮޅި" މުޒާހަރައިން ހައްޔަރުކޮށް ބަންދުކުރި މައްސަލަ ބަލައިދިނުމަށް ޕީޕީއެމް އިން ދެ ކޮމިޝަނަކަށް ހުށަހަޅައިފިއެވެ.
މިމައްސަލަ ހުށަހަޅާފައިވަނީ ޕޮލިސް އިންޓަގްރިޓީ ކޮމިޝަނަށާއި ހިއުމަން ރައިޓްސް ކޮމިޝަނަށެވެ.
ޕީޕީއެމްއިން ބުނީ ޕީޕީއެމްގެ އިސްބޭފުޅުންނާއި ޒުވާނުންނަށް މުޒާހަރާގެ ތެރެއިން ކުރި އަނިޔާތަކާއި ޤާނޫނާއި ޚިލާފަށް ހައްޔަރުކޮށް ބަންދު ކުރި މައްސަލަތައް ބަލައި ދިނުމަށް ހުށަހަޅާފައިވާ ކަމަށެވެ.
“ނޭވާހޮޅިޔަށް” މުޒާހަރައިގައި ބައިވެރިވި ޕާޓގެ އިސް ބޭފުޅުންނާއި ޒުވާނުންނަށް ޤާނޫނާ ޤަވާއިދާ ޚިލާފަށް އަނިޔާވެރިކޮށް ހައްޔަރުކޮށްފައިވާތީ މި މައްސަލަތައް ބަލައިދިނުމަށް ޕޮލިސް އިންޓަގްރިޓީ ކޮމިޝަނަށާއި ހިއުމަން ރައިޓްސް ކޮމިޝަނަށް މިއަދު ވަނީ ސިޓީ ހުށައަޅާފަ pic.twitter.com/jstPLOobwn
— Progressive Party of Maldives (@ProgressPartyMV) April 6, 2022
މިމުޒާހަރާގެ ތެރެއިން 17 މީހަކު ހައްޔަރުކޮށް، ދޫނިދޫ ޖަލުގައި ބަންދުކޮށްފައިވާއިރު، އޭގެ ތެރެއިން ބައެއް މީހުންގެ ބަންދަށް 7 ދުވަސް، އަނެއްބައި މީހުންނަށް 3 ދުވަސް އަދި 2 ދުވަސް ވެސް ވަނީ ޖަހާފައެވެ.
އިންޑިޔާގެ މިލިޓަރީ ސިފައިން ދިވެހިރާއްޖޭގައި ތިބުމާ ދެކޮޅަށް މިދިޔަ މަހުގެ 25 ވަނަ ދުވަހު މާލޭގައި ބޭއްވި އެ މުޒާހަރާގެ ތެރެއިން ހައްޔަރު ކުރި މީހުންގެ ތެރޭގައި އިދިކޮޅު މަޖިލިސް ދެ މެމްބަރަކު ވެސް ހިމެނެއެވެ.
އެއްވެ އުޅުމާއި ޚިޔާލުފާޅުކުރުމުގެ މިނިވަންކަމަކީ ޤާނޫނު އަސާސީގެ 27 ވަނަ މާއްދާއާއި 32 ވަނަ މާއްދާއިން ރައްޔިތުންނަށް ލިބިދީފައިވާ އަސާސީ ޙައްޤުތަކަށްވާއިރު އެ ޙައްޤުތައް ހަނިކޮށް، ނިގުޅައިގަނެފައިވާކަމަށް އިދިކޮޅު ކޯލިޝަނުން ދަނީ ބުނަމުންނެވެ.
