މިހާރުގެ ޖެންޑަރ މިނިސްޓަރާއެކު މުޅި މިނިސްޓްރީ އޮތީ ބޮއްސުންލާ ފެއިލްވެފައި ކަމަށް މި ސަރުކާރުގެ ކުރީގެ ޓޫރިޒަމް މިނިސްޓަރު ޢަލީ ވަޙީދު ވިދާޅުވެއްޖެއެވެ. މިއަދު ކުރައްވައިފައިވާ ޓުވީޓެއްގައި ޢަލީ ވަޙީދު ވިދާޅުވެފައިވާ ގޮތުގައި (ޖެންޑްރ މިނިސްޓަރު) މަޤާމުން ވަކިކޮށް ވަކިން ޚާއްސަކޮށް ފިޔަވަތީގެ މައްސަލަތަކުގައި މިނިވަން ޕަބްލިކް އިންކުއަރީއެއް ހިންގަންޖެހެއެވެ. ޚާއްސަ އަޅާލުމާ ލޯބި ދޭންޖެހޭ ކުޑަކުދިން، ފުރާޅުމަތިން ހޯދަން ޖެހުނީމަ ވުޒާރާއޮތް ހާލު ފެންނަ ކަމަށްވެސް ޢަލީ ވަޙީދު ވަނީ ވިދާޅުވެފައެވެ.
ޢަލީ ވަޙީދު ޓޫރިޒަމް މިނިސްޓަރު ކަމުގައި ހުންނެވި ދުވަސްވަރު އެ މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާ ކުރި މައްސަލައެއް ޝަރީއަތަށް ފޮނުވި ޝަރީއަތް ފެށުމާއެކު އޭނާ ވަނީ ބޭސް ފަރުވާއަކަށް ރާއްޖެއިން ބޭރަށް ވަޑައިގެންފައެވެ. ފަހުން އެނގުނު މައުލޫމާތު ރަކަށް ބަލާއިރު ޢަލީ ވަޙީދު ރާއްޖެއިން ބޭރަށް ވަޑައިގަތީ އަލަށް ހެއްދި އާދައިގެ ޕާސްޕޯޓެއްގައެވެ. ވުމާއެކު އެއީ ސަރުކާރުން ރާވައިގެން ފުރުވާލި ފުރުވާލުމެއް ކަމަށް ދެކެވޭ ވާހަކައިގެ އަޑު މިހާރު ވަނީ ވަރަށް ގަދަވެފައެވެ.
މިހާރުގެ ޖެންޑަރ މިނިސްޓަރާއެކު މުޅި މިނިސްޓްރީ އޮތީ ބޮއްސުންލާ ފެއިލްވެފަ. މަޤާމުން ވަކިކޮށް ވަކިން ޚާއްސަކޮށް ފިޔަވަތީގެ މައްސަލަތަކުގައި މިނިވަން ޕަބްލިކް އިންކުއަރީއެއް ހިންގަންޖެހޭ. ޚާއްސަ އަޅާލުމާ ލޯބި ދޭންޖެހޭ ކުޑަކުދިން، ފުރާޅުމަތިން ހޯދަން ޖެހުނީމަ ވުޒާރާއޮތް ހާލު ފެނޭ!
— Ali Waheed (@ali20waheed) September 19, 2021
ޢަލީ ވަޙީދު ލަންޑަނުގައި ހުންނަވައިގެން އޮންލައިންކޮށް ރާއްޖޭގެ ނޫސްވެރިންނާ ބައްދަލު ކުރައްވައި މައުލޫމާތު ދެއްވާން ހަމަޖެއްސެވި ދުވަހު އެ ބައްދަލުވުން ބާއްވަވަން ހަމަޖެއްސެވި ގަޑީގެ ކުޑައިރުކޮޅެއް ކުރިން ލަންޑަނުގެ ފުލުހގުން ވަނީ އޭނާ ހައްޔަރު ކޮށްފައެވެ. އެއީ ވިސާގެ މުއްދަތު ހަމަވުމުންވެސް އިނގިރޭސިވިލާތުގައި ހުންނެވީތީއެވެ. މިހާރުވެސް ހުންނެވި ކަމަށް ވަނީ ފުލުހުންގެ ބެލުމުގެ ދަށޫގައެވެ.
އެ ހުންނެވި ތަނެއްގައިހުންނަވައިގެން ޢަލީ ވަޙީދު ގެންދަވަނީ ދޭތެރެދޭތެރެއިން ޓުވީޓު ކުރައްވަމުންނެވެ. ޓޫވީޓުގައި އެންމެ ގިނަ ހަމަލާ އަމާޒު ކުރައްވަނީ ޕްރޮސެކިއުޓަރ ޖެނެރަލަށެވެ.
އެންމެ ގިނަ ރިސްވަތު ނެގި މެންބަރު." އެންމެ އަގުބޮޑު މެންބަރުގެ" މާނަ