ކޮލަމް ކޮށާރު - 36

ތިޔަހެން މުލަންމާ ބޭރުފުށް ކޮށްގެން އަޑިންހެން ލޭ ހިލޭ ނިޔަތާ ހިތާ ޢަމަލާ ބަހާ ވާހެން ހަގީގަތް ދުރުހިލޭ ކިޔަކަސް ސަނާ ވަގުތީ ދުލުން ގޮތަކަށް ނުވާނޭ

ހަޔާތުގެ ސިއްރު ހޯދޭނީ އުސޫލެއް ބާއްޖަވެރި ހޮވިގެން ގަޔާވާހެން ތަބާވާނޭ ގަވައިދެއް ހަރުދަނާ އޮވެގެން ވަޔާގޮސް އަޒުމުތައް ފުނޑުފުނޑު ނުވާ ސާބިތުކަމެއް ލިބިގެން ލަޔާގަތަކުން ޢަމަލު ސީދާ

މީހުންގެ ގާބިލިއްޔަތު ފަނޑުކޮށްލައޭ ޢަމަލުތައް މީހުންގެ ޚިދުމަތާމެދު ނުރުހުންކުރޭ ޢަމަލުތައް މީހުންގެ ރީތި ސިފަތައް ހަޑިކޮށްލައޭ ޢަމަލުތައް މީހުންގެ ކާމިޔާބާ ގުޅިފައި ވަނީ ޢަމަލުތައް