ދަރުމަވަންތަ ހޮސްޕިޓަލުގައި ކޮވިޑް-19އަށް ފަރުވާދެމުންދިޔަ މީހަކު އަނެއްކާވެސް ނިޔާވެ ކޮވިޑް-19ގައި ރާއްޖެއިން ނިޔާވި މީހުންގެ ޢަދަދު 54އަށް އަރައިފިއެވެ. މިރޭ ނިޔާވެފައިވަނީ ޢުމުރުން 84 އަހަރުގެ ދިވެހި ފިރިހެނެކެވެ. މިމީހާ ނިޔާވެފައިވަނީ މިރޭ 20:20ގައި ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން މަޢުލޫމާތުދެއްވައެވެ.
Tonight at 08:20pm, a 84-year-old Maldivian male admitted at DH11 has passed away.
This is the 54th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) February 4, 2021
ދަރުމަވަންތަ ހޮސްޕިޓަލުގައި ކޮވިޑް-19އަށް ފަރުވާދެމުންދިޔަ މީހަކު އިއްޔެވެސް ވަނީ ނިޔާވެފައެވެ. އިއްޔެ ހަވީރު 15:42ގައި ނިޔާވެފައިވަނީ ޢުމުރުން 70 އަހަރުގެ ދިވެހި ފިރިހެނެކެވެ.
މިދިޔަ ޖެނުއަރީމަހުގެ31ވަނަ ދުވަހުވެސް ދިވެއްސަކު މިބަލީގައި ނިޔާވެފައިވެއެވެ. އެދުވަހު ނިޔާވެފައިވަނީ ހުޅުމާލޭ ކޮވިޑް ފެސިލިޓީގައި ފަރުވާދެމުންދިޔަ ޢުމުރުން 88 އަހަރުގެ ދިވެހި ފިރިހެނެކެވެ.
