އަންނަ އަހަރަށް ލަފާ ކުރާ ދައުލަތުގެ ބަޖެޓް ފިނޭންސް މިނިސްޓަރ އިބްރާހީމް އަމީރު، ރައްޔިތުންގެ މަޖިލީހުގެ މިއަދުގެ ޖަލްސާއަށް ހުށަހަޅުއްވާނެއެވެ. ފިނޭން މިނިސްޓްރީން ވިދާޅުވެފައި ވަނީ 2021 ވަނަ އަހަރަށް ހުށަހަޅުއްވާނީ 35 ބިލިޔަނެއްހާ ރުފިޔާގެ ބަޖެޓެއްކަމަށެވެ.
ޤަވާޢިދުގައި ބުނާ ގޮތުން މެމްބަރުންނަށް ބަޖެޓް އަރުވާނީ މިނިސްޓަރ ބަޖެޓް ހުށަހެޅުއްވުމުން ކަމަށް މަޖިލީހުގެ ރައީސް ވިދާޅުވިއެވެ. ބެޖެޓް ހުށަހެޅުއްވުމަށްފަހު ބަޖެޓްގެ ބަހުސް ފަށްޓަވާނީ ހަފްތާއެއް ފަހުންނެވެ. އެހެންކަމުން ބަޖެޓްގެ ބަހުސް ފަށްޓަވާނީ މިމަހު 16 ވަނަ ދުވަހު ކަމަށް މަޖިލީހުގެ ރައީސް ވަނީ އިޢުލާން ކުރައްވައިފައެވެ. މަޖިލީހުގެ 87 މެމްބަރުންގެ ތެރެއިން ކޮންމެ މެމްބަރަކަށް ވެސް 15 މިނެޓް ބަހުސްގައި ލިބިވަޑައި ގަންނަވާނެކަމަށް ވިދާޅުވިއެވެ. ބަހުސް ކުރިއަށް ގެންދެވޭނީ ރޭގަނޑު ބާއްވާ ޖަލްސާތަކާއެކުގައި ކަމަށް ވިދާޅުވިއެވެ. އެހެންކަމުން ޑިސެމްބަރ ފުރަތަމަ ހަފްތާ ތެރޭގައި ބަޖެޓްގެ މަސައްކަތް މަޖިލީހުން ނިންމާލެއްވޭނެކަމަށް ލަފާ ކުރައްވާކަމަށް މަޖިލީހުގެ ރައީސް ވިދާޅުވިއެވެ. ނަމަވެސް ޤަވާއިދުގައި ބުނާ ގޮތުން މިމަސް ނިންމުމަށް ފަހު މަޖިލީހުގެ މެމްބަރުންނަށް ޗުއްޓީ ލިބިވަޑައި ގަންނަވާނެއެވެ.
މިހިނގާ 2020 އަށް މަޖިލީހުން ފާސްކުރީ 37.8 ބިލިޔަން ރުފިޔާގެ ބަޖެޓެކެވެ. ނަމަވެސް ކޮވިޑް-19 އާ ގުޅިގެން ކުރިމަތިވި އިޤްތިޞާދީ ގޮންޖެހުންތަކުގެ ސަބަބުން މިއަހަރަށް ލަފާކުރި ބަޖެޓްގެ ޢަދަދުތަކަށް ވަނީ ބޮޑުތަނުން ބަދަލު ތަކެއް އައިސް ފައެވެ.
