އާފަތިސް ރޯދަ ބަދިގެ: ޗިޔޭ މޮލޮކޯ

ކްރީމް ބޭސް އަށް ބޭނުންވާނެ ބާވަތްތައް:

2 ޕެކެޓު ޖެލެޓިން (14 ގުރާމުގެ)

1 ޖޯޑު ކިރު

1 ޖޯޑު ހަކުރު

16 އައުސް ސަވަރ ކްރީމް

16 އައުންސް ވިޕް ކްރީމް ( ފިނިކޮށްފައި)

ޓޮޕިން އަށް ބޭނުންވާނެ ބާވަތްތައް:

5 މޭޒުމަތީ ސަމުސާ ކޮކޯ (އަންސްވވީޓެންޑް)

5 މޭޒުމަތީ ސަމުސާ ހަކުރު

1 ޕެކެޓު ޖެލެޓިން (7 ގުރާމް)

5 މޭޒުމަތީ ސަމުސާ ކިރު

1 ޖޯޑު އައިސް ފެން

ކްރީމް ބޭސް ތައްޔާރުކުރާނެ ގޮތް:

ކުޑަ ތެއްޔެއް އުނދުން މައްޗަށް އުދައި 1 ޖޯޑު ކިރާއި ޖެލެޓިން އެއްކުރާށެވެ. ގިނި މަޑުކޮށް ބަހައްޓައިގެން އާވި އަރަންދެން ދޭފަތުން ހަލުވާށެވެ. އާވިއ ަރަން ފެށުމާއެކު އުނދުން މަތިން ބާލާށެވެ.

ދެން 11 އިންޗި 13 އިންޗީގެ ޓްރޭއެއްގައި ބަޓަރުކޮޅެއް ނުވަތަ ތެޔޮ ފޮދެއް ހާކާށެވެ.

އިލެކްޓިްރކް މިކްސަރަކުން 1 ޖޯޑު ހަކުރާއި 16 އައުންސް ސަވަރ ކްރީމް އަދި 16 އައުންސް ވިޕް ކްރީމް ރަނގަޅަށް އެއްކުރާށެވެ. ދެން މިކްސަރު ގެ ސްޕީޑު ދަށްކުރުމަށްފަހު އޭގެ ތެރެއަށް ކިރު އެއްކުރާށެވެ. ކިރު ޖޯޑު ހުންނަންވާނީ ހޫނުކޮށްފައެވެ.

ރަނގަޅަށް އެކުވުމުން ޓްރޭއަށް ހުސްކުރާށެވެ. ދެން މަތި އޮމާންކުރުމަށްފަހު ވައި ނުވަންނަ ގޮތަށް މަތި ބަންދުކޮށްފައި ފިނިކުރަން އައިސް އަލަމާރީގައި ބަހައްޓާށެވެ.

ޗޮކްލެޓު ޓޮޕިން ތައްޔާރުކުރުމަސް ކޮކޯ، ހަކުރު، ޖެލެޓިން އަދި އެއް ޖޯޑު ފެނާއި ކިރު ސަމުސަލެއް ތެއްޔަކަށް އަޅައި އެއްކުރާށެވެ. ދެން އުުނދުން މައްޗަށް އުދައި ރަނގަޅަށް ކައްކާށެވެ. ކެކެން ފެށުމުން އުނދުން މަތިން ބޭލުމަށްފަހު 1 ގަޑިއިރުވަރު ހިހޫކުރަން ބަހައްޓާށެވެ.

ދެން ކްރީމް ބޭސް އައިސްއަލަމާރިން ނަގައި އޭގެ މައްޗަށް މަޑުމަޑުން ޗޮކްލެޓު އޮއްސާލާށެވެ. ކާން ނެގުމުގެ ކުރިން މަދުވެގެން 5 ގަޑިއރުވަންދެން އައިސްއަލަމާރީގައި ބަހައްޓާށެވެ.

ނޯޓު: މިއީ ނަތާޝާސް ކިޗެންގެ ރެސިޕީ އެކެވެ.