ކުކުޅު ސުރުވާއަކީ އަރިދަފުސް ރޯގާއާއި ފްލޫ ގެ އަލާމާތްތައް ހުންނަ މީހުން ބަލި ފަސޭހަކޮށްދޭ އެއްޗެއް ކާނާއެކެވެ. ކުކުޅު ސުރުވާއިން އެބަލިތަކުން ދިފާއުކޮށްދޭ އިންފެކްޝަނާ ދެކޮޅަށް މަސައްކަތްކުރާ ސެލް އުފެއްދުމަށް އެހިތެރިވެދެއެވެ. ސުރުވާ ކައްކާއިރު ކުކުޅު ކަށި ބޭނުންކުރުމުން އަސަރު ފެންނަލެއް އަވަހެވެ. ކުކުޅު މަސްގަނޑެއްގައި އިންސާނެއްގެ ހަށިގަނޑަށް ދުވާލަކު ބޭނުންވާ ޕްރޮޓީންގެ ދެބައިކުޅަ އެއްބައި އެކުލެވެއެވެ. މުޅު ދުވަހަށް ބޭނުންވާ ވިޓަމިން ބީ3 ލިބިދެއެވެ. އަދި ހަށިގަނޑަށް ބޭނުންވާ އަޔަން ފަދަ މިނަރެލާއި އެންޓިއޮކްސިޑެންޓް ޒިންކާއި ޕޮޓޭސިއަމް އެކުލެވެއެވެ. ކުކުޅުގައި އަހަރެމެންގެ ކާނާއިން އާއްމުކޮށް މަދުވާ މިނެރަލްގެ ބާވަތެއް ކަމަށްވާ ސެލެނިއަމް ވެސް ހުރެއެވެ. މިއީ ކެންސަރާ ދެކޮޅަށް މަސައްކަތްކުރާ މާއްދާއެކެވެ އޯގަނިކް ކުކުޅުގައި އޮމެގާ 3 ފެޓްސް ގިނަ މިންވަރަކަށް ހުރެއެވެ. އދި ވިޓަމިން އީ އާއި އެހެނިހެން ނިއުޓްރިއެންޓްސް އެކުލެވެއެވެ.
ކުކުޅުގައި ހުންނަ މާއްދާތަކުން ހަށިގަނޑުގެ ދިފާއީ ނިޒާމު ވަރުގަދަކޮށް ކެންސަރުން ސަލާމަތްކުރުމަށް އެހީތެރިވެދެއެވެ. ކުކުޅުގައި ހުންނަ ނިއޭސިން އަކީ އަލްޒިމިއަރސް ބަލިން ރައްކާތެރިކޮށްދޭ މާއްދާއެކެވެ. އަދި ތޫނުފިލިކަން ހިފަހެއްޓުމަށް އެހީތެރިވެދެއެވެ. ބީ ވިޓަމިނުން ކާނާގައި ހުންނަ ހަކަތަ ނެރެދެއެވެ. ވިޓަމިން ބީ6 އަކީ ހިތުގެ ލޭ ހޮޅިތަކަށް ލިބިދާނެ ނުރައްކަލަކުން ސަލާމަތްކޮށްދޭ މާއްދާއެކެވެ.
ތާޒާ ކުކުޅެއް އައިސް އަލަމާރިގައޮ ތިން ދުވަހަށް ވުރެ ގިނަ ދުވަހު ބެހެއްޓުން ރަނގަޅެއް ނޫނެވެ. ގިނަ ދުވަހު ބެހެއްޓުމުން ބެކްޓީރިއާގެ މިންވަރު އިތުރުވެއެވެ. ކެއްކުމުގެ ކުރިން ކުކުޅު ރަނގަޅަށް ދޮވެލަންވާނެއެވެ. ކުކުޅު ކޮށައި، ސާފުކުރުމަށް ބޭނުންކުރަންވާނީ ވަކި ކަޓިން ބޯޑެކެވެ. އަދި ވަޅިއާއި ތެލި ތަށި ރަނގަޅަށް ދޮވެ ސާފުކުރަންވާނެއެވެ.
މައުލޫމާތު: ހަންޑްރެޑް ބެސްޓް ހެލްތު ފުޑްސް
