ޤުބާ މިސްކިތުގެ އިމާމު ޞާލިޙު އަލްމަޣާމިސީ މަގާމުން ވަކިކޮށްފި

މަދީނާގެ ޤުބާ މިސްކިތުގެ އިމާމު އަދި މަޝްހޫރު ދީނީ ޢިލްމުވެރިޔާ އައްޝައިޚު ޞާލިޙު ބިން ޢަވާދް އަލްމަޣާމިސީ މަގާމުން ވަކިކޮށްފިއެވެ. އޭނާ މަގާމުން ވަކިކޮށްފައި ވަނީ އޭނާ ކުރެއްވި ޓުވީޓެއްގައި ޖަލުގައި ބަންދުކޮށްފައި ތިބި މީހުން ދޫކޮށްލެވުމަށް ސައޫދީ ރަސްގެފާނު ސަލްމާން ބިން ޢަބްދުލްޢަޒީޒަށް ގޮވައިލެއްވުމާ ގުޅިގެން ކަމަށް ބެލެވެއެވެ.

"ޖީ 20 ގެ ވާޗުއަލް ސަމިޓް ކާމިޔާބުވުމާ ގުޅިންގެ މި ބަރަަކާތްތެރި ދުވަހު ދެ ޙަރަމްފުޅުގެ ޚާދިމު )(ސައޫދީ ރަސްގެފާނު) އަށާއި، އަހަރުމެން އެންމެންނަށް ތަހުނިޔާ ދަންނަވަން. މުސީބާތް އުފުއްލަވައި، ބަލިމަޑުކަން ފިއްލަވާ ސަބަބުތަކުގެ ތެރެއިން ތިން ސަބަބެއްވެެސް އިތުރުކޮށްލާނަން. (އެއީ) 1- ދުޢާއާއި އިސްތިޣުފާރާއެކު މާތް ﷲގެ ޙަޟްރަތުގައި އެދި ދެންނެވުން. 2- ފަޤީރުންނާއި، ދިރިއުޅުމުގެ ކަަންތައް ހަމަޖެއްސޭނެ އެެއްވެސް ވަސީލަތެއް ނެތް މީހުންނަށް އެހީތެރިވުން. 3- ޖަލުގައި ތިބި ކުށްވެރިންނަށް (ވެވުނުވަރަކުން) މާފުކުރުން." ހުުކުރު ދުވަހުގެ ހުކުރު ވަގުތުގެ އިރުކޮޅެއް ކުރިން އޭނާ ކުރެއްވި ޓުވީޓުގައި ވެެއެވެ.  

ޖެހިގެން އައި ދުވަހު، މަދީނާ ޕްރޮވިންސުގެ އިދާރާއިން ކުރި ޓުވީޓެއްގައި ވާގޮތުން އިސްލާމިކް އެފެއާޒް މިނިސްޓަރު ޢަބްދުއްލަޠީފު އާލްޝައިޚް ވަނީ ހޮނިހިރު ދުވަހު އަލްމަޣާމިސީ މަގާމުން ވަކިކުރައްވައި، މަދީނާގެ އިސްލާމިކް ޔުނިވަރސިޓީގެ ހަޔަރ ސްޓްޑީޒް ޑިޕާޓްމަންޓްގެ އުސްތާޛް އައްޝައިޚް ސުލައިމާން އަައްރަޙީލީ އެ މަގާމަށް އައްޔަން ކުރައްވާފައެވެ. އައްރަޙީލީ އަކީ ޝާހީ އާއިލާއާ ގުޅުން ބޮޑު ބޭފުޅެެކެވެ.

އޭނާ މަގާމުން ވަކިކޮށްފައި ވަނީ ކުރިން ކުރެއްވި ޓުވީޓު ފުހެލައްވައި އެޓުވީޓުގައި ލިއުއްވި ވާހަކައަށް މާފަށް އެދިވަޑައިގެންފައި ވަނިކޮށެވެ.

"އިތުރަށް ވިސްނުމަަށް ފަހު އަހަރެންނަށް އެނގުނު ގޮތުގައި އަހަރެންގެ ޓުވީޓުގައި ލިޔެވުނީ ރަނގަޅަކަށް ނޫން. އަހަރެންގެ މަގްސަދަކީ ކުުދި ކުށްތަކުގައި ޖަލަށް ލާފައި ތިބި އާއްމު ހައްގުތަަކާ ގުޅުން ހުރި ކުށްވެރިންނަށް މާފުކުރުމުގެ ވާހަކަ. އެއީ ކޮންމެ ރަމަޟާން މަހެއްގެ ކުރިން މާތްވެގެންވާ ވެރިން އަމަލުކުރައްވާ ފަަދައިންނެވެ. ބޮޑެތި ކުށްތަކަށް އަރައިގެންފައިވާ މީހުންނަށް ޝަރުޢުގައި އޮންނަ ހައްގު އަދަބު ލިބެން ޖެހެއެވެ. އެމީހުން އަހަރެންގެ ވަޠަނާ ދެކޮޅަށް ނުބައި ނިޔަތްލައި އެގޭ ބޭނުން ހިފަން އުޅެނީތީ އަަހަރެން ބުނެލަން އޮތީ ތިޔަބައިމީހުން ކުޅަ ނުބައި އަމަލުގެ ސަބަބުން ތިޔަބައިމީހުންނަށް ގެއްލެނިވުން އިތުރުވުން މެނުވީ ނުވެއެވެ." ހުކުރު ނަމާދަށް ފަހު އަލްމަޣާމިސީ ކުރެއްވި ޓުވީޓުގައި ވެއެވެ.

2006 ވަނަ އަަަހުރުއްސުރެ ޤުބާ މިސްކިތުގެ އިމާމުކަން ކުރައްވަމުން ގެންދެވި އަލްމަޣާމިސީއަކީ ސައުދީ ސަރުކާރު ދިފާއުކުރައްވައި ޤަޠަރާއި، ތުރުކީއަށް ބަހުގެ ހަމަލާތައް ދެއްވުުގައި ކުރީގައި ހުންނެެވި ބޭފުޅެކެވެ. ޖަމާލްް ޙާޝުޤްޖީ މަރާލި މައްސަލައިގައިވެސް އޭނާ ވަނީ ސައޫދީ ވަލީއަހުދު މުޙައްމަދު ބިން ސަލްމާން ދިފާއުުކުރައްވައި ވާހަކަފުޅު ދައްކަވާފައެވެ. އެހެންނަމަވެސް އޭނާއަށް ގޯސްކޮށް ވިދާޅުވެވުނު އެންމެ ބަސްފުޅަކުން، ފަހުން މާފަށް އެދިވަޑައިގަތުމާއެކުވެސް، އޭނާގެ މަގާމު މިވަނީ ގެއްލިފައެވެ.