ހަލުވިކަމާއެކު ފެތުރެމުންދާ ކޮވިޑް- 19 (ކޮރޯނާ ވައިރަސް) ފެތުރުން ހުއްޓުވުމަށްޓަކައި ސައޫދީ އަރަބިއްޔާއިން ވަރުގަދަ ފިޔަވަޅުތަކެއް އަޅައިފިއެވެ. އިއްޔެ ސައޫދީ ސަރުކާރުން ބުނި ގޮތުގައި މިއަދު، 16 މާރިޗު 2020 އިން ފެށިގެން މިކަން ތަންފީޒުކުރާނެވެ.
މި ފިޔަވަޅުތަކުގެ ދަށުން ސިއްހީ، އަސްކަރީ، ސަލާމަތީ އަދި ދުރުންދޭ ތައުލީމުގެ ދާއިރާތަކުގައި މަސައްކަތްކުރާ މީހުން ފިޔަވައި ސަރުކާރުގެ ހުރިހާ މުވައްޒަފުން 16 ދުވަހަށް ގޭގައި މަޑުކުރަން އެންގުމުގެ، އިތުރަށް މޯލްތަކާއި، ވިޔަފާރި މަރުކަޒުތަކާއި، ޕާކުތައް ބަންދުކުރުން ހިމެނެއެވެ.
ސައޫދީ އަރަބިއްޔާގައި މިހާތަނަށް 118 މީހަކަށް ޖެހިފައިވާއިރު، އެ ގައުމުން މީގެ ކުރިން އަޅާފައިވާ ފިޔަވަޅުތަކުގެ ތެރޭގައި އުމްރާގެ އަޅުކަން އަދާކުރަން މައްކާއަށް ވަނުން މަނާކުރުމާއި، ކުރިން 24 ގަޑިއިރު ހުޅުވާފައި ހުންނަ މައްކާގެ ހަރަމްފުޅު އިޝާ ނަމާދުގެ ފަހުން ބަންދުކުރުމާއި، ސްކޫލްތަކާއި، ޔުނިވަސިޓީތައް ބަންދުކުރުމާ، ބައިނަލްއަގުވާމީ ފްލައިޓްތައް ހުއްޓާލުން ހިމެނެއެވެ.
އިއްޔެ ސައޫދީ ހެލްތު މިނިސްޓްރީން އިއުލާންކުރި ފިޔަވަޅުތަކުގެ ތެރޭގައި ސަރުކާރުގެ އިދާރާތަކުން ދޭ ޚިދުމަތްތައް އޮންލަންކޮށް ދެވޭ ގޮތް، ހެދުމާއި، އަމިއްލަ ކުންފުނިތަކަށްވެސް ވީހާ މަދު މުވައްޒަފުން ބޭނުންކޮށްގެން ޚިދުމަތް ދިނުމަށް އެންގުމާއި، އެ ގައުމުގައި މަސައްކަތްކުރުމަށް ގެންނަ ބޭރު މީހުން 14 ދުވަހަށް ކަރަންޓީނުކުރުން ހިމެނެއެވެ.
ސައޫދީ އަރަބިއްޔާއިން މި ފިޔަވަޅުތައް އަޅާފައި ވާއިރު، އަވަށްޓެރިން ޤަޠަރުން ވެސް ވަނީ ކޮވިޑް- 19 އާއި ދެކޮޅަށް ކުރެވޭ މަސައްކަތް ވަރުގަދަ ކޮށްފައެވެ. އެ ގައުމުންވެސް ވަނީ ބައިނަލް އަގްވާމީ ފްލައިޓްތައް ހުއްޓާާލާފައެވެ. ޤަތަރުން އެޅި އެންމެ ފާހަގަކޮށްލެވޭ ފިޔަވަޅަކީ ކޮވޮޑް- 19 ގެ ސަބަބުން ލިބޭ ގެއްލުން ކުޑަކުރުމަށް 23 ބިލިއަން އެމެރިކާ ޑޮަލަރުގެ އަވަސް އެހީގެ ޕެކޭޖެއް އިއުލާންކުރުމެވެ.
އަދިވެސް ކޮންޓުރޯލުވުމެއް ނެތި ދުނިޔޭގައި ފެތުރެމުންދާ ކޮވިޑް- 19 މިހާތަނަށް 120 ގައުމެއްގެ 1 ލައްކަ 70 ހާހަށްވުރެ ގިނަ މީހުން މަރުވެފައިވާއިރު، މި ބަަލީގައި 6500 އެއްހާ މީހުން ވަނީ މަރުވެފައެވެ.
އެ އްލަ އްކަ ހަތްދިހަހާސް މީހުން އަދި މަރެ އް ނުވޭ ނޫންތޯ