އެމެރިކާއާއި އިނގިރޭސިވިލާތާއި، އެފްރިކާ، ގެ ޑޮކްޓަރުންނާއި ނަރުހުންނާއި އަދި ކޮވިޑް-19 ކަހަލަ ކަންކަމުން ސަލާމަތްވުމަށް އެހީތެރިކަން ފޯރުކޮށްދޭ ޓީމެއް ބުރާސްފަތި ދުވަހު ރާއްޖެ އަންނާނެ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެއެވެ.
ނޫސްވެރިންނަށް މައުލޫމާތު ދެއްވަމުން މިނިސްޓަރ މިއަދު ވިދާޅުވީ އެއީ ޓޫރިޒަމްގެ ޓްރަސްސްޓް ފަންޑާއި، އެ އިންޑަސްޓްރީގެ އެހީތެރިކަމާއެކު ރާއްޖެ އަންނަ ޓީމެއް ކަމަށެވެ. އެއީ ކޮވިޑް 19 އާ ދެކޮޅަށް މަސައްކަތްކުރާ ޓާސްކް ފޯހަށް ޓޫރިޒަމް މިނިސްޓްރީން ހަދިޔާކުރާ ޓީމެއް ކަމަށް ވެސް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ ކުރިއަށް އޮތް ހަފްތާތައް ވެގެންދާނީ ކޮވިޑް-19 އާ ދެކޮޅަށް އެކަށީގެންވާ ވަރުގަދަ މަސައްކަތްތަކެއް ކުރަންޖެހޭ ދުސްތަކަކަށް ކަމަށެވެ. "އަޅުގަނޑުމެން ދެކޭގޮތުގައި ކުރިއަށް މިއޮތް ހަފްތާތައް ވެގެންދާނީ އެކަށީގެންވާ ގޮތެއްގައި މިކަމުގައި ވަރުގަދަ މަސައްކަތްތަކެއް ކުރަންޖެހޭ ދުސްތަކަކަށް،" މިނިސްޓަރ ވިދާޅުވިއެވެ.
އިންޑިއާ ސަރުކާރުން ވެސް އިއްޔެ ވަނީ ރާއްޖެއަށް ޑޮކްޓަރުންގެ ޓީމެއް ފޮނުވައިފައެވެ. އެޓީމް މިހާރުވަނީ އައިޖީއެމްއެޗުގައި ހަރަކާތްތެރިވާން ފަށައިފައެވެ.
