އިސްލާމް ދީނާ ދެކޮޅު އެއްވެސް ޖަމިއްޔާއަކަށް ރާއްޖޭގައި މަސައްކަތް ކުރުމުގެ ފުރުސަތެއް ނެތް ކަމަށް ރައްޔިތުންގެ މަޖިލީހުގެ ރައީސް، ކުރީގެ ރައީސް މުޙައްމަދު ނަޝީދު ވިދާޅުވެއްޖެ އެވެ. ރައީސް ނަޝީދު މިހެން ވިދާޅުވީ މިރޭ ކުރެއްވި ޓްވީޓެއްގައެވެ.
ރައީސް ނަޝީދު ކުރެއްވި ޓްވީޓްގައި ވިދާޅުވީ އެމަނިކުފާނުގެ އެހީތެރިކަމާއެކު އެ ފަދަ ޖަމިއްޔާތައް ގެންނަ ކަމަށް ވިދާޅުވެ، ޕީއެންސީގެ މެމްބަރު އަދި ނިލަންދޫ ދާއިރާގެ ކުރީގެ މެމްބަރ ޢަބްދުﷲ ޚަލީލް ދައްކަވާ ވާހަކަތަކަކީ ދިވެހިންގެ ހިތްތަކުގައި ނަފްރަތާއި ފިތުނަވެރިކަން އުފައްދަން ދައްކަވާ ވާހަކަތަކެއް ކަމަށެވެ.
ކިއުލިއަމް ތިންކް ޓޭންކް ނަމަކަށް ކިޔާ ޖަމިއްޔާއަކުން ހދ. ހަނިމާދޫއާއި ބޭއްވި ވާރކް ޝޮޕެއްގައި އިސްލާމް ދީނާ ދެކޮޅު ވާހަކަތަކެއް ދެއްކި މައްސަލައެއް ދާދިފަހުން ވަނީ ފެންމަތިވެފައެވެ. އެ ވާރކްޝޮޕްގައި އިސްލާމްދީނާ ޚިލާފު ވާހަކަތައް ދައްކައި އިސްލާމްދީނުގައި ކަނޑައެޅިގެން މަނާކުރައްވާފައިވާ ބައެއް ކަންކަމަކީ ހުއްދަ ކަންތައްތައް ކަމުގައި ދައްކަން މަސައްކަތް ކޮށްފައިވާ ކަމަށް ވޯކްޝޮޕްގައި ބައިވެރިވި ބައެއް ފަރާތްތަކުން ހާމަކޮށްފައިވާ ކަމަށް ބައެއް މީޑިއާތަކުން ވަނީ ހާމަކޮށްފައެވެ. އެމައްސަލަ އިސްލާމިކް މިނިސްޓްރީން ވެސް ވަނީ ބަލަން ފަށްޓަވައި ފައެވެ.
އެ މައްސަލައިގައި ރައްޔިތުންގެ މަޖިލީހަށް ހުށަހެޅުނު ކުއްލި މައްސަލަ މަޖިލީހުގެ ތަޅުމަކަށް ހުށައެއް ނާޅައެވެ. ކުއްލި މައްސަލައެއްގެ ގޮތުގައި އެމައްސަލަ މަޖިލީހަށް ފޮނުއްވީ ނޮޅިވަރަމް ދާއިރާގެ އަމިއްލަ މެމްބަރ މުޙައްމަދު ނަޝީދެވެ.
?Fulhah budun dhaanama heevaane kihinakunney