މިއަހަރު އެޕްރީލް 4 ވަނަ ދުވަހު ބޭއްވުމަށް ހަމަޖެހިފައިވާ ލޯކަލްކައުންސިލް އިންތިޚާބަށާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެމްބަރު ކަމަށް ކުރިމަތި ލުމުގެ ފުރުސަތު އިލެކްޝަންސް ކޮމިޝަން (އީސީ) އިން ހުޅުވައިފިއެވެ.
ބުދަވިލޭރޭ އީސީން ބޭއްވި ނޫސްވެރިންގެ ބައްދަލުވުމުގައި އީސީން ވިދާޅުވީ ބުދަވިލޭރެއިން ފެށިގެން މިމަހުގެ ވިހިވަނަ ދުވަހުގެ ނިޔަލަށް އެފުރުސަތު އޮނާންނެ ކަމަށެވެ.
އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެމްބަރުކަމަށް ކުރިމަތިލުމުގެ ފުރުސަތު މިމަހުގެ 24 ގެ ނިޔާލަށް އޮންނާނެ ކަމަށް އީސީގެ ނާއިބު ރައީސް އަހުމަދު އަކުރަމް ވިދާޅުވިއެވެ.
މި އިންތިޚާބުގައި ހަ ހާސް ކެންޑިޑޭޓުން ވާދަކުރައްވާނެ ކަމަށް އަކުރަމް ވިދާޅުވިއެވެ.
މިއީ ލާމަރުކަޒީ ގާނޫނަށް އިސްލާހު ގެންނެވުމަށްފަހު ބާއްވާ ފުރަތަމަ އިންތިޚާބެވެ. މި އިންތިޚާބުގައި ވަނީ ކޮންމެ ކައުންސިލަކުން 33 ޕަސެންޓު އަންހެނުންނަށް ޚާއްސަކޮށްފައެވެ.
