މާލޭ މަސްމާރުކޭޓު ސަރަހައްދުގައި އަޅައިފައިވާ ދޯނިފަހަރު ކޮންމެ ދުވަހަކު ޗެކުރައްވަމުން ގެންދަވާނެ ކަމަށް މާލޭ ސިޓީ ކައުންސިލުން ވިދާޅުވެއްޖެއެވެ.
ސިޓީ ކައުންސިލުން ވިދާޅުވީ ޗެކުރަމުންދާއިރު މަސްވެރިކަމުގެ ހުއްދަ ނުނަގައި ހުންނަ ދޯނިފަހަރު އެތަނުން ނެގުމަށް އަންގަވާނެ ކަމަށެވެ. އެގޮތަށް އެންގުމަށްފަހު ފައްތިޔާ ނުނަގައި ފަޅުގައި އަޅާފައި ހުންނަ ދޯނިފަހަރު ޖޫރިމަނާ ކުރައްވާނެ ކަމަށް ވެސް ވިދަޅުވެފައިވެއެވެ.
"މާލޭ އުތުރުފަރާތު ފަޅު (މަސްމާރުކޭޓް ސަރަހައްދު) ގައި އަޅާ ދޯނިތައް ޗެކް ކުރުން ކޮންމެ ދުވަހަކުވެސް ކުރިއަށް ދާނެ، މަސްވެރިކަމުގެ ހުއްދަ ނުނަގާ ހުންނަ ދޯނިތައް ފަޅުން ނެގުމަށް އަންގާ ފައްތިޔާ ނުނަގާ ފަޅުގައި އަޅާ އުޅަނދުތައް ޖޫރިމަނާ ކުރެވޭނޭ." ސިޓީ ކައުންސިލުން ވިދާޅުވެފައިވެއެވެ.
މާލޭ ސިޓީ ކައުންސިލާއި ފުލުހުންނާއި ކަމާބެހޭ އެހެން އިދާރާތައް ގުޅިގެން މާލެއާއި ވިލިމާލޭ ފަޅުގައި އަޅާފައި ހުންނެ މިފަދަ އުޅަނދު ނެގުމުގެ ޕްރޮގްރާމެއް ފަށައިފައެވެ. އޭގެ ދަށުން ގިނަދުވަހު ފަޅުގައި އަޅާފައި ހުންނަ އުޅަނދުފަހަރާއި ރަޖިސްޓްރީ ނުކޮށް ހުންނަ އުޅަނދުފަހަރާއި މަސްވެރިކަމުގެ ހުއްދަ ނުނަގާ ހުންނަ ދޯނިފަހަރު ޖޫރިމަނާ ކުރައްވާނެ ކަމަށް ފުލުހުން ވިދާޅުވެފައިވެއެވެ.
