މިފެށޭ ދިރާސީ އަހަރުގައި ރޭއްޖޭގެ 214 ސްކޫލެއްގައި ހަތްދިހަ ތިން ހާސް ދަރިވަރުން ކިޔަވާނެ ކަމަށް އެޑިޔުކޭޝަން މިނިސްޓްރީން ވިދާޅުވެއްޖެއެވެ.
ސްޓޭޓު މިނިސްޓަރ އޮފް އެޑިޔުކޭޝަން އަޙުމަދު ރިޔާޒު ވިދާޅުވީ މި ޢަދަދަކީ އެލްކޭޖީއާއި ގްރޭޑު 12 އާ ދެމެދުގައި ކިޔަވާ ކުދިންގެ ޢަދު ކަމަށެވެ. ނިމިދިޔަ ދިރާސީ އަހަރު (2019) ގައި ރާއްޖޭގައި ކިޔަވައިދީފައިވަނީ 2013 ސްކޫލުގައެވެ. މިފެށޭ ދިރާސީ އަހަރު (2020) ވަނަ އަހަރަށް އިތުރުވެފައިވަނީ ޢިއްޒުއްދީން ސްކޫލެވެ. އެއީ ކުރިން އެމްއީއެސް ހިންގި ޢިމާރާތުގައި ސަރުކާރުން އަލަށް ތަރައްގީކޮށްފައިވާ ސްކޫލެކެވެ.
މިއީ މާލޭގެ ސްކޫލްތަކަށް ދިމާވެފައިވާ ޖާގައިގެ ދަތިކަން ހައްލުކުރުމުގެ ގޮތުން އަލަށް ހުޅުވާ ސްކޫލެކެވެ. މިއީ ގްރޭޑު 1 އިން 10 އަކަށް ކިޔަވައިދޭ ސިންގަލް ސެޝަން ސްކޫލެކެވެ. ދިރާސީ އައު އަހަރު ފަށާއިރު އެސްކޫލުގައި ކިޔަވައިދޭނީ ގްރޭޑު 1 އިން 6 އަށެވެ. އެއީ ގްރޭޑު 1 އިން 4 އަށެވެ. ކޮންމެ ގުރޭޑެއްގައި ހިމެނޭނީ ތިން ކުލާހެވެ. އަދި ގްރޭޑު 5 އަދި 6 ގެ ކޮންމެ ގްރޭޑެއްގައި 2 ކުލާސް ހިމެނޭނެ ކަމަށް މިނިސްޓްރީން ވިދާޅުވެފައިވެއެވެ. ކޮންމެ ކުލާހެއްގައި ތިބޭނީ ގިނަވެގެން 25 ކުދިންނެވެ.
ގުރޭޑު 7 އިން 10 އަށް ގްރޭޑުތައް އިތުރު ކުރަން ފަށާނީ 2021 އިން ފެށިގެން ކޮންމެ އަހަރަކުން އަހަރަކުން ގުރޭޑު އިތުރުކުރާ ގޮތަށް ކަމަށް ވެސް މިނިސްޓްރީން ވިދާޅުވެފައިވެއެވެ.
އައުއަޖަރުގެ ކިޔެވުން ފެށުމަށ ހަމަޖެހިފައިވަނީ ޖެނުއަރީ 12 ގައެވެ. ސްކޫލް ޓީޗަރުން މިހާރުވަނީ މަސައްކަތަށް ނުކުމެފައެވެ.
