ރަސްފަންނު ވެސްޓުޕާކުގައި މަސްބާނަން ހަދާފައިވާ ޖެޓީގެ ދެ ތަނބު ބިންދައިގެން ވެއްޓި ދެމީޖަކަށް އަނިޔާވެއްޖެއެވެ.
ފުލުހުން ވިދާޅުވީ އެ ހާދިސާގެ މައުޅުމާތު ލިބިފައިވަނީ މިއަދު ހަވީރު 5:57 އެހައިކަންހާއިރު ކަމަށެވެ."މިހާދިސާ ހިނގަން މެދުވެރިވެފައިވަނީ އެ ޖެޓީގައިހުރި ހަތަރު ބްލޮކްގެ ތެރެއިން މެދުގައިހުރި ދެ ބްލޮކް ބިންދައިގެންދިޔަ ގަޑީގައި އެ ބްލޮކްގައި ތިބި މީހުން ވެއްޓިގެން،" ފުލުހުން ވިދާޅުވިއެވެ.
މިހާދިސާގައި ވެއްޓުނު ދެމީހުންގެ ތެރެއިން އެކަމަށް ވަނީ އަނިޔާވެފައެވެ. ވެއްޓުނު ދެމީހުންގެ ތެރެއިން އެކަކުގެ ފައިގެ ދަށްފުށް ވަނީ ކަފައިގެންގޮސްފައެވެ. ފަރުވާ ދިނުމަށްޓަކައި މިހާރު އޭނާ ވަނި ހޮސްޕިޓަލަށް ގެންގޮސްފައެވެ. ފުލުހުން ވިދާޅުވީ އެމީހާގެ ޙާލު ސީރިއަސް ނޫންކަމަށެވެ.
ފުލުހުން މިހާރުވަނީ ރައްޔިތުންނަށް ލިބިދާނެ ގެއްލުމަކު ރައްޔިތުން ސަލާމަތް ކުރުމަށްޓަކައި އެސަރަހައްދު ބަންދު ކޮށްފައެވެ.
"ޖެޓީގެ ޙާލަތާބެހޭ މައުލޫމާތު ފުލުހުން ވަނީ މާލޭ ސިޓީ ކައުންސިލާ ހަވާލުކޮށްފައި. ރައްޔިތުންގެ ރައްކާތެރި ކަމަށްޓަކައި ފުލުހުންވަނީ އެސަރަހައްދު ބަންދުކޮށްފައި" ފުލުހުން ވިދާޅުވިއެވެ.
