ގިނަ ޢަދަދެއްގެ ބަނގުރާ ގެންގުޅުނު ބިދޭސީއަކު ރޭ ބަންދު ކޮށްފި ކަމަށް ފުލުހުން ވިދާޅުވެއްޖެއެވެ.
އެމީހާ ބަންދުކޮށްފައިވަނީ ކ. މާފުށީ ޕޮލިސް ސްޓޭޝަނުގެ ފުލުހުން ޕެޓްރޯލް ކުރަން ނުކުމެ އުޅެނިކޮށް އެރަށު ބަނދަރުމަތީ އެމީހާ ހުއްޓައި ފެނިގެން ފުލުހުންނަށް ޝައްކު ކުރެވިގެންނެވެ.
ފުލުހުން ވިދާޅުވީ އެ މައްސަލާގައި ބަންދުކޮށްފައިވަނީ ޢުމުރުން 24 އަހަރުގެ ބަނގްލަދޭޝް މީހެއް ކަމަށެވެ. އޭނާ ބަންދުކޮށްފައިވަނީ ރޭ 7:20 އެހައިކަންހާއިރު ކަމަށް ފުލުހުން ވިދާޅުވިއެވެ.
"މާފުށީ ޕޮލިސް ސްޓޭޝަނުގައި މަސައްކަތްކުރާ ފުލުހުން ޕެޓްރޯލް ކުރަމުން ދަނިކޮށް ބަނދަރު މަތީހުރި ބިދޭސީއަކަށް ތުހުމަތު ކުރެވިގެން ހުއްޓުވައި ބަލާ ފާސްކުރިއިރު ހަތް ދަޅު ބިޔަރު ފެނިފައިވޭ،" ފުލުހުން ވިދޅުވިއެވެ. އޭނާ ބަންދުކުރި ސަބަބު ފުލުހުން ވިދާޅުވިއެވެ.
އޭނާ ބަންދު ކުރުމަށްފަހު އެރަށުގައި އޭނާ އުޅޭގެ ބަލައި ފާސްކުރިއިރު އެގެއިން ވަނީ ތަފާތު ބުރޭންޑުތަކުގެ 42 ފުޅި ބަނގުރާއި، 203 ފުޅި ބިޔަރު ފެނިފައި ކަމަށް ފުލުހުން ވިދާޅުވިއެވެ.
އެމީހާ އުޅޭގެ ފުލުހުން ބަލައި ފާސްކުރި އޭނާ ބަންދު ކުރި ފަހުން ލިބުނު މަޢުލޫމާތަކާ ގުޅިގެން ރޭ 9:35 އެހައިކަންހާއިރު ކަމަށް ފުލުހުން ވިދާޅުވިއެވެ.
ފުލުހުން މިހާރު ގެންދަވަނީ އެމައްސަލަ ތަހުގީގު ކުރަމުންނެވެ.
