ދުނިޔޭގައި މިހާތަނަށް އުފައްދާފައިވާ އެންމެ ބާރަށް ދަތުރުކުރާ އިންޓަ ކޮންޓިނެންޓަލް (ބައްރުތައް ހުރަސްކޮށް ދަތުރުކުރާ) މިސައިލް ރަޝިޔާގެ އަސްކަރިިއްޔާއިން ޚިދުމަތަށް ނެރެފިއެވެ. ނިއުކުލިޔާ ވޯ ހެޑަކާއެކު އުދުއްސާލުމުގެ ގާބިލުކަން ލިބިފައިވާ މި މިސައިލް އަޑަށް ވުރެ 27 ގުނަ ބާރަށް (ގަޑިއަކު 33345 ކިލޯމީޓަރަަށް) ދަތުރުކުރެއެވެ.
ރަޝިޔާގެ ޑިފެންސް މިނިސްޓްރީން ބުނީ 'އެވަންގާޑް' ހައިޕަސޯނިކް ސްޓްރެޓީޖިކް މިސައިލް ސިސްޓަމް އިއްޔެއިން ފެށިގެން ރަޝިޔާގެ އަސްކަރިއްޔާގެ ހަތިޔާރުގެ ތެރެއަށް އިތުރުކުރެވިފައިވާ ކަމުގައެވެ.
"އަހަރުމެންެގެ ތެރެއިން ކޮންމެ މީހަކަށް، ވަކިން ޚާއްސަކޮށް ސްްޓްރެޓީޖިކް މިސައިލް ފޯސަސްއަަށް، އަހަރެން ތަހުނިޔާ ކިޔަން ބޭނުން. އެވަންގާޑް ސްްޓްރެޓީޖިކް މިސައިލް ވަނީ މިއަދު 10:00 ގަައި އަސްކަރީ ޚިދުމަތަށް ނެރެފައި. އަހަރުމެންގެ ގައުމުގެ އަދި އަހަރުމެންގެ އަސްކަރިއްޔާގެ ތާރީޚުގައި ފާހަގަކޮށްލެވޭ މި ޚާއްސަ މުނާސަަބަތުގައި އެންމެންނަށް ތަހުނިޔާ ކިޔަން." ރަޝިޔާގެ ދިފާއީ ވަޒީރު ސަރްގޭ ޝޮއިގޫ އިއްޔެ ވިދާޅުވެފައި ވެއެވެ.
ރައީސު ވްލާޑިމީރް ޕުޓިން ވަނީ މި ޒަމާނީ ހަތިޔާރު ނެރުމަކީ 1957 ވަނަ އަަހަރު ރަޝިޔާއިން ފުރަތަަމަ ސެޓެލައިޓް އުދުއްސާލުމާ އެއްވަރު ކާމިިޔާބީއެއް ކަމުގައި ސިފަކުރައްވާފައެވެ.
އެންމެ ޒަމާނީ މި މިސައިލްގެ ވާހަކަ ރައީސު ޕުޓިން އެންމެ ފުރަތަމަ ހާމަކުރެއްވީ ފާއިތުވި އަހަރުގެ މާރިޗު މަހު ދެއްވި ތަގުރީރެއްގައެވެ. އޭނާ އޭރު ވިދާޅުވެފައި ވަނީ އެވަންގާޑް މިސައިލަކީ އުދުހުމުގެ ތެރޭގައި ހަލުވިކަމާއެކު ފަރާތްފަރާތަށް ޖެހުމުގެ ގާބިލުކަން ލިބިފައިވާ މިސައިލަކަށް ވާތީ، މިސައިލް ޑިފެންސް ސިސްޓަމް ތަކަށް އެ މިސައިލް އަތުލައި ނުގަނެވޭނެ ކަމުގައެވެ.
"މި މިސައިލް ދަތުރުކުރާނީ ގިނިހިލައެެއް ހެން، އަލިފާން ބޯޅައެެއް ހެން." ރައީސު ޕުޓިން އޭރު ވިދާޅުވެފައި ވެއެވެ.
ޕުޓިން އިތުރަށް ވިދާޅުވެފައިވަނީ މި އާ މިސައިލާ އެކު ދުނިޔޭގެ ކޮންމެ ހިސާބަކަށްވެސް ހަމަލާދިނުމުގެ ގާބިލުކަން ރަޝިޔާއަށް ލިބިފައިވާ ކަމަށާއި، އެމެރިކާގެ ވައިގެ ދިފާއީ ނިޒާމްތަކަށް މި މިސައިލް މައިތިރިނުކުރެވޭނެ ކަމަށެވެ.
ރަޝިޔާއިން ބުނި ގޮތުގައި 2010 ވަނަ އަހަރު އެމެެރިކާއާއެކު ގާއިމުކޮށްފައިވާ ސްޓާޓް (ސްޓްރެޓީޖިކް އާމްސް ރިޑަކްޝަން ޓްރީޓީީ) ގެ ދަށުން ލާޒިމުކުރާ ގޮތަށް އެމެރިކާގެ އަސްކަރީ އިންސްޕެކްޓަރުންނަށް ފާއިތުވި ނޮެވެންބަރު މަހުގެ 26 ވަނަ ދުވަހު މި މިސައިލް ދައްކާލާފައިވާ ކަމުގައެވެ.
