ޣައިރު ދީންތަކުގެ މީހުން ފާހަގަކޮށް އުޅޭ އެއްވެސް ދުވަހެއް ކ. ތުލުސްދޫގައި ފާހަގަ ކުރުމަކީ މަނާކަމެއް ކަމަށް އެރަށު ކައުންސިލުން ޢާއްމުކޮށް އަންގަވައިފި އެވެ.
އެ ކައުންސިލުން މިއަދު ޢާއްމު ކުރައްވާފައިވާ އެންގުމެއްގައި ވިދާޅުވެފައިވަނީ އެފަދަ ކަމެއް ކުރާކަމަށް ވާނަމަ އެކަމެއް ވަގުތުން ހުއްޓުވާނެ ކަމަށެވެ.
އެ ރަށު ކައުންސިލުން ވިދާޅުވެފައިވަނީ ރާއްޖެއަކީ ސައްތައިން ސައްތަ މުސްލިމް ޤައުމެއް ކަމަށެވެ. އެހެންކަމުން ޣައިރުދީން ތަކުގެ މީހުން ފާހަގަ ކުރާ ދުވަސްތައް ރާއްޖޭގައި ފާހަގަ ކުރުމަކީ ޤާނޫނު ވެސް މަނާކުރާ ކަމެއް ކަމަށް ވިދާޅުވެފައިވެއެވެ.
އެފަދަ ކަމެއް ނުވަތަ ޙަފްލާއެއް ބާއްވަމުންދާއިރު ކައުންސިލުން އެކަން ހުއްޓުވުމުން އެފަރާތަކަށް ލިބިދާނެ އެއްވެސް ކަމަކަށް ކައުންސިލުން ޒިންމާނުވާނެ ކަމަށް ވެސް އެބަޔާނުގައި ވިދާޅުވެފައިވެއެވެ.
ކްރިސްމަސް ފަދަ ޣައިރު ދީންތަކުގެ އިހްތިފާލުތައް އެރަށުގައި ފާހަގަ ކުރުމަށް ބައެއް ތަންތަނުގައި އިސްތިހާރު ތަތްކުރުމާއި، އެދުވަސް ފާހަގަ ކުރުމުގެ ގޮތުން ތަފާތު ހަފްލާތައް އެރަށުގައި ބާއްވަން އުޅޭ ކަމުގެ މަޢުލޫމާތު ލިބިފައިވާ ކަމަށް ވެސް ތުލުސްދޫ ކައުންސިލުން ވިދާޅުވެފައިވެއެވެ.
"އެފަދަ ޙަފްލާއެއް ހިންގާ ކަމުގެ މަޢުލޫމާތު ލިބިއްޖެނަމަ އެކަން ތުލުސްދޫ ކައުންސިލުން ހުއްޓުވާނެ ވާހަކަވެސް މިފުރުސަތުގައި ދަންނަވަމެވެ. މި ޙަފްލާތައް ހުއްޓުވުމުން ދިމާވެދާނެ އެއްވެސް ކަމަކަށް މިކައުންސިލުން ޒިންމާ ނުވާނެ ވާހަކަވެސް މިފުރަސަތުގައި ދަންނަވަމެވެ." ކައުންސިލުން ވިދާޅުވެފައިވެއެވެ.
އައު އަހަރު ފެށުމުގެ ގޮތުން ޙަފްލާތައް ބޭއްވުމާއި ކްރިސްމަސް ފާހަގަ ކުރުމުގެ ގޮތުން އެކި ހަފްލާތައް ބޭއްވުމަކީ ރާއްޖޭގައި އާންމުވަމުން ހަރުލަމުން އަންނަ ކަންކަމެވެ.
Masha Allah. Varah baraabaru baeh thi council ga thibi. Thigothah saabithuvaane kamah ummeedhu kuran. Keep up your good work. Anna council ah ves thibeyfulhun Insha Allah hoveyne. Allahge dheen kuriaruvan masakkaiy kurumaky heyo hakuru libeyne kameh.