ގުޅިފައިވާ ސިޔާސީ ޕާޓީ ތަކުގެ މެނިފެސްޓޯގައި ކޮރަޕްޝަން ހުއްޓުވުމަށް ކުރަން ނިންމާފައިވާ މަސައްކަތްތައް، ވީ އެންމެ އަވަހަކަށް ތަންފީޒުވެގެން ދިއުމަކީ ދިވެހި ރައްޔިތުންގެ މިހާރުގެ އެންމެ ބޮޑު އެއް އުންމީދު ކަމަށް މޯލްޑިވްސް ރިފޯމް މޫވްމަންޓް (އެމްއާރުއެމް) ޕާޓީން ބުނެފިއެވެ.
އެޕާޓީން ބުނެފައިވަނީ އެމް.އާރް.އެމް އަކީ އަބަދުވެސް ކޮރަޕްޝަނާ ދެކޮޅަށް އަޑުއުފުލާނެ ޕާޓީއެއް ކަމަށެވެ. އެގޮތުން، ވޭތުވެ ދިޔަ ސަރުކާރުގައި އެމް.އާރް.އެމް ގެ އިސްވެރިން ޤާނޫނާ ޚިލާފަށް ބަންދުކޮށް، ޖަލަށްލައި، އެބޭފުޅުންނަށް އެތައް އަނިޔާއެއް ދީފައިވަނީ، ކޮރަޕްޝަނާދެކޮޅަށް ދިވެހި ރައްޔިތުންގެ ޙައްޤުގައި ވަކާލާތު ކުރެއްވުމުން ކަމަށް ވެސް އެޕާޓީން ބުނެފައިވެއެވެ. އެއީ ބަދަލު ނުކުރެވޭނޭ ޙަޤީޤަތެއް ކަމަށާއި، މި ސަރުކާރުގެ އެންމެ މުހިންމު ސިޔާސަތަކީ “ޒީރޯ ޓޮލަރެންސް ޓު ކޮރަޕްޝަން” ކަމަށާއި، ސަރުކާރުގެ ކޮންމެ މަޤާމެއްގައި ހުރި މީހަކު ނަމަވެސް ކޮރަޕްޝަންގެ ޢަމަލެއް ހިންގުމަށް ފުރުޞަތު ނުދެއްވާނެކަމުގެ ޔަޤީންކަން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ދެއްވާފައިވާކަމަށް އެމް.އާރު.އެމްއިން ބުނެފައިވެއެވެ.
އެމްއާރުއެމްއިން މިއަދު ބުނީ ވޭތުވެ ދިޔަ އަހަރުތަކުގައި ކަންކަންނިމިގެން ގޮސްފައިވަނީ، ވަކި މީހަކު ބުނާގޮތަކަށްކަމަށެވެ. ޤާނޫނުއަސާސީން ކަނޑައަޅާފައިވާ ލާމަރުކަޒީ އުސޫލުން ސިޓީތަކާއި އަތޮޅުތަކާއި ރަށްރަށް ހިންގުމުގައި ލިބެންޖެހޭ ބާރުތައް އޭގެ އެންމެ ފުރިހަމަ ގޮތުގައި ކައުންސިލްތަކާއި ރައްޔިތުންނަށް ހޯދައިދިނުމަށް ޤާނޫނުއަސާސީގައި ބުނެފައިވާ ކަމަށާއި އެ ބާރުތައް ނިމިދިޔަ ސަރުކާރުގައި ވަނީ ވަރަށް ބޮޑަށް ހިފަހައްޓާފައި ކަމަށްވެސް އެޕާޓީން ބުނެފައިވެއެވެ.
އެމްއާރުއެމްއިން މިއަދު ބުނީ ވޭތުވެ ދިޔަ އަހަރުތަކުގައި ކަންކަންނިމިގެން ގޮސްފައިވަނީ، ވަކި މީހަކު ބުނާގޮތަކަށްކަމަށެވެ. ޤާނޫނުއަސާސީން ކަނޑައަޅާފައިވާ ލާމަރުކަޒީ އުސޫލުން ސިޓީތަކާއި އަތޮޅުތަކާއި ރަށްރަށް ހިންގުމުގައި ލިބެންޖެހޭ ބާރުތައް އޭގެ އެންމެ ފުރިހަމަ ގޮތުގައި ކައުންސިލްތަކާއި ރައްޔިތުންނަށް ހޯދައިދިނުމަށް ޤާނޫނުއަސާސީގައި ބުނެފައިވާ ކަމަށާއި އެ ބާރުތައް ނިމިދިޔަ ސަރުކާރުގައި ވަނީ ވަރަށް ބޮޑަށް ހިފަހައްޓާފައި ކަމަށްވެސް އެޕާޓީން ބުނެފައިވެއެވެ.
އޭގެއިތުރުން، ދައުލަތުގެ ބަޖެޓުގައި ނުހިމެނޭ އެތައް ޕްރޮޖެކްޓެއް ނިމިދިޔަ ސަރުކާރުގައި ހިންގާފައި ވާއިރު، އެފައިސާ ހޯދައިފައިވަނީ ކިހިނެއްތޯ ބަލައި، ޒިންމާވާން ޖެހޭ ފަރާތްތައް އެކަމުގެ ޒިންމާ އެންމެ ފުރިހަމަ ގޮތުގައި ނަންގަވާފައިވާ ނުވާތީ، ކޮރަޕްޝަނަށް މަގުފަހިވާގޮތަށް އެތައް ޕްރޮޖެކްޓްތަކެއް ވަނީ ހިންގާފައި ކަމަށް އެމްއާރުއެމްއިން ބުނެފައިވެއެވެ.
ބައިނަލްއަޤްވާމީ އެންޓި ކޮރަޕްޝަން ދުވަސް ފާހަގަކުރަމުން ދާއިރު، ކޮރަޕްޝަންގެ ޢަމަލުތައް ހުއްޓުވުމަށް ސަރުކާރުގެ މުއައްސަސާ ތަކުންނާއި ޢާންމު ފަރުދުން އާ ޢަޒުމެއްކަނޑަ އަޅަން ޖެހޭކަމަށް ވެސް އެމް.އާރު.އެމް އިންވަނީ ބުނެފައެވެ.
