މިދިޔައަހަރުގެ ސާނަވީ އިމްހާނުގެ އެއްވަނަ 8 ދަރިރަކަށް ލިބިއްޖެއެވެ. ވަކިވަކި މާއްދާތަކުން ދުނިޔޭގެ އެއްވަނަ ހަތް ދަރިވަރަކުވެސް ވަނީ ހޯދައިފައެވެ. މިދިޔަ އަހަރުގެ ސާނަވީ އިމްތިހާނުން އެއްވަނަ ހޯދި ދަރިވަރުންނަށް ރައީސުލްޖުމްހޫރިއްޔާ ދެއްވާ އިނާމާއި ޓްރޮފީ ޙަވާލުކޮށްދެއްވީ ރައީސް އިބަރާހީމް މުޙައްމަދު ޞާލިހެވެ. ވަކި ވަކި މާއްދާތަކުން ދުނިޔޭގެ އެއްވަނަ ހޯދި ދަރިވަރުންނަށް އިނާމާއި ޓްރޮފީ ޙަވާލުކޮށްދެއްވީ ނާއިބަރައީސް ފައިސަލް ނަސީމެވެ.
ސާނަވީ އިމްހާނުގެ އެއްވަނަ ހޯދި ދަރިވަރުންނަކީ:-
1- އަޙްމަދު އީޖާޒް ޙުޞައިން، ޣިޔާސުއްދީން އިންޓަނޭޝަނަލް ސްކޫލު
2- އައިމިނަތު ޖަންނަ، އަމީނިއްޔާ ސްކޫލް
3- އާމިނަތު ނޫހާ ނިމާލް، ކަލާފާން ސްކޫލް
4- ހާޝިމް އިބްރާހިމް. ފ. އަތޮޅު ތައުލީމީ މަރުކަޒު
5- އިބްރާހިމް ޔައިޝް ޝާކިރު، ދަރުމަވަންތަ ސްކޫލް
6- މަރްޔަމް އިނާން އިބްރާހިމް ރަޝީދު، އަމީނިއްޔާ ސްލޫލް
7- މުޙައްމަދު އައިލަމް ހުޞައިން، އަހުމަދިއްޔާ އިންޓަރނޭޝަނަލް ސްކޫލް
8- ޔޫޘުފް ޔާނިޢު އަޙްމަދު، ޖަމާލުއްދީން ސްކޫލް
ވަކި މާއްދާތަކުން ދުނިޔޭގެ އެއްވަނަ ހޯދި ދަރިވަރުން:
1- އިބްރާހިމް ޔައިޝް ޝާކިރު، ދަރުމަވަންތަ ސްކޫލް، (މެރިން ސައިންސް)
2- ޒަޔާން ސައުދުﷲ، ހއ. އުލިގަމު ސްކޫލު، (މެތަމެޓިކްސް)
3- އަޙްމަދު ރަސަލް ތަސްލީމް، އަހުމަދިއްޔާ އިންޓަރނޭޝަނަލް ސްކޫލް. (ބިޒްނަސް އަދި އިކޮނޮމިކްސް)
4- ޒަޔާން ޢަބްދުﷲ ނާޒިލް، އިސްކަންދަރު ސްކޫލް، (ބަޔޮލޮޖީ)
5- އިސްމާޢީލް އަފްނާން ޢަބްދުﷲ. ބިލަބޮންގް ސްކޫލް، (ސޯޝިއެލޮޖީ)
6- އައިމިނަތު ލާމިއާ މަޤްބޫލް، އިސްކަންދަރު ސްކޫލް، (ޓްރެވެލް އެންޑް ޓޫރިޒަމް)
7- އަޒްމާން ޢަބްދުﷲ، ބިލަބޮންގް ސްކޫލް، (ސޯޝިއެލޮޖީ)
2018ވަނަ އަހަރުގެ ސާނަވީ އިމްތިޙާނުގައި 660 ދަރިވަރުން ބައިވެރިވިއެވެ. އޭގެ ތެރެއިން 10ވަނައިގައި ހިމެނުނީ 407 ދަރިވަރުން ނެވެ. ކެމްބްރިޖް އިމްތިހާނަކީ ދުނިޔޭގެ 150 ގައުމަކުން އެތައް ލައްކަ ދަރިވަރުން ބައިވެރިވާ އިމްތިހާނެއްކަން ފާހަގަކުރައްވާ، އެފަދަ އިމްތިހާނަކުން މަތީ ދަރަޖައިގައި ފާސްވުމަކީ ދަރިވަރުންގެ ޢިލްމީ ޤާބިލުކަން ސާބިތުކޮށްދޭ ހެއްކެއް ކަމަށް ރައީސް ވިދާޅުވިއެވެ.
