އަންނަ އަހަރުގެ ޖެނުއަރީ 14 ވަނަ ދުވަހު ބާއްވާ ލޯކަލް ކައުންސިލް އިންތިހާބުގައި ވާދަކުރާ ކައުންސިލަރުންގެ ޢަދަދު އިލެކްޝަންސް ކޮމިޝަނުން މިރޭ ހާމަކުރައްވައިފިއެވެ
އިލެކްޝަންސް ކޮމިޝަނުގެ ވެބްސައިޓްގައި ޢާއްމުކޮށްފައިވާގޮތުން ޖެނުއަރީ 14 ގައި ބާއްވާ ލޯކަލް ކައުންސިލްތަކުގެ އިންތިހާބުގައި 179 ރަށު ކައުންސިލަކަށް 563 ރަށު ކައުންސިލަރުންނާއި 18 އަތޮޅު ކައުންސިލަކަށް 67 އަތޮޅު ކައުންސިލަރުން އަދި ތިން ސިޓީ ކައުންސިލަކަށް 23 ސިޓީ ކައުންސިލަރުން އިންތިހާބުކުރާނެއެވެ.
މިފަހަރުގެ އިންތިޚާބުގައި ޖުމްލަ 255,181 މީހުން ވޯތުލާނެއެވެ. 179 ރަށުކައުންސިލަކަށް 561 ކައުންސިލަރުން ހޮވާނެއެވެ . އަދި 18 އަތޮޅު ކައުންސިލަކަށް 67 އަތޮޅު ކައުންސިލަރުން ހޮވާނެއެވެ. މީގެ އިތުރުން 3 ސިޓީ ކައުންސިލަކަށް 23 ސިޓީކައުންސިލަރުން އިންތިޚާބުކުޜާނެ ކަމަށްވެސް އިލެކްޝަންސް ކޮމިޝަނުން ހާމަކުރައްވައެވެ.
