މިއަދަކީ ދުނިޔޭގެ ފަގީރުކަން ނައްތައިލުމުގެ ދުވަހެވެ. މިއީ އަލިފުދާލުން ކޮންމެ އަހަރަކު އޮކްޓޯބަރު މަހުގެ 17 ވަނަ ދުވަހު ފާހަގަ ކުރާ ދުވަހެކެވެ. އަލިފު ދާލުން މި އަހަރު މި ދުވަހުގެ ޝިޢާރަކަށް ހަމަޖައްސައިފައި ވަނީ "އެކަހެރި ކުރުމާއި ނިކަމެތި ކޮށްލުމުން ދުރުހެލިކޮށް ބައިވެރި ކުރުވުން: ހުރިހައި ބާވަތެއްގެ ފަގީރު ކަމެއް ނައްތައިލުން" މިއެވެ.
ފަގީރުކަން ނައްތައިލުމުގެ ދުވަސް ފާހަގަ ކުރުމުގެ ގޮތުން އަލިފުދާލުގެ ސެކްރެޓަރީ ޖެނެރަލް ނެރުއްވި މެސެޖުގައި ވެއެވެ.
"ފަގީރުކަން މިން ކުރަނީ ހަމައެކަނި ލިބޭ އާމްދަނީއަކުންނެއް ނޫނެވެ. ފަގީރުކަން ފެންނަނީ ސިއްހަތާއި، ތަޢުލީމާއި އަދި އެހެނިހެން އަސާސީ ޚިދުމަތްތަކަށް އޮންނަ ފުރުސަތު ހަނިކުރުމާއި، އެހެނިހެން އަސާސީ އިންސާނީ ހައްގުތައް ހަނި ކުރުމުންނެވެ. ފަގީރު ހާލަތުގައި ދިރިއުޅޭ މީހުންގެ އަޑު އަހަމާ ހިންގަވާށެވެ. ހުރިހައި އެންމެންގެ އިންސާނީ ހައްގުތަކަށް ހުރުމަތްތެރިކޮށް ހިތުމާއި ރައްކާތެރިކޮށް ދިނުމަށް އަހުދުވަމާ ހިންގަވާށެވެ. ފަގީރުކަމުގައި ދިރިއުޅޭ މީހުންނަށް ހަނި ކުރެވިފައިވާ އިޖްތިމާޢީ ފުރުސަތުތައް ފުޅާކޮށް އެކަހެރި ކުރުން ނައްތައިލަމާ ހިންގަވާށެވެ. ރެޔާއި ދުވާލު ފަގީރުކަމުގައި ހޭދަކުރާ މީހުން އެކި ކަންތައްތަކުގައި ބައިވެރި ކުރުވުމާއެކު ދުނިޔެއިން ފަގީރުކަން އަބަދަށްޓަކައި ނައްތައިލާން ބާރުއަޅަމާ ހިންގަވާށެވެ."
ދުނިޔޭގައި މިހާރުވެސް އެއް ބިލިއަނަށް ވުރެ ގިނަ މީހުން ދިރިއުޅެނީ ފަގީރު ހާލަތުގައެވެ.
