އައްޑޫ ސިޓީ މަރަދޫ ގޯދިއްޔާއިން އިންތިޒާމް ކޮށްގެން މަރަދޫގައި މިހާރު ކުރިއަށް ގެންދާ "ހެޕީމާކެޓު ގޯދިއްޔާ ފުޓުސަލް ކަޕް" ދެވަނަބުރުގެ ޖާގަ 4 ޓީމަކުން ކަށަވަރު ކޮށްފިއެވެ.
އެ ހަތަރު ޖާގަ ކަށަވަރު ކޮށްފައިވަނީ ބީ ގްރޫޕުގެ އެފްސީ ޒެފިއާއި، އެފްސީ ސްކޫޕް ކަންމައްޗެވެ. އަނެއް ދެ ޓީމަކީ ފްރެންޑްސް ކުލަބާއި ކުލަބު ސްކަވެންޖަރސް އެވެ. އެއީ ގްރޫޕު ޑީ ގެ ދެ ޓީމެވެ. މާދަމާރޭ ކުޅޭ މެޗުތަކުން ގްރޫޕްއޭއާއި ގުރޫޕު ބީ އިން ދެވަނަ ބުރަށް ދަތުރުކުރާނެ ޓީމްތައް ކަށަވަރު ވެގެންދާނެއެވެ.
މާދަމާރޭގެ ފުރަތަމަ މެޗުގައި ބައްދަލުކުރާނީ އެފްސީ ބޭރުމައްޗާއި އެފްސީ ސްޕްރިންޓެވެ. މިއީ އޭ ގްރޫޕުގެ މެޗެކެވެ. ދެވަނަ މެޗުގައި ކުޅޭނީ ބީ ގްރޫޕުގެ ދެ ޓީމެވެ. ބައްދަލުކުރާނީ ޔުނައިޓެޑް ފްރެންޑްސްއާއީ ވެންބޮޅޮ ޔުނައިޓެޑެވެ.
މި މުބާރާތުގައި މިރޭވެސް ދެމެޗު ކުޅުނެވެ. ފުރަތަމަ މެޗުގައި ބައްދަކުރީ އެފްސީ އަފިރިންނާއި އެފްސީ ޒިޔާރަފަންނައެވެ. މި މެޗު ހަތަރު ލަނޑު ދެ ލަނޑުން ކާމިޔާބުކުރީ އެފްސީ އަފިރިންނެވެ. އެ ޓީމު ކުޅުނު ފުރަތަމަ މެޗުން ބަލިވެފައިވަނިކޮށް ދެވަނަ މެޗު ކާމިޔާބު ކުރެވުމަކީ ޓީމަށް ލިބުނު ވަރަށްބޮޑު ހިތްވަރެކެވެ. އެހެން ނަމަވެސް ޒިޔާރަފަންނަ ކުޅުނު ދެމެޗުން ވެސް ބަލިވެ މިހާރުވަނީ އުންމީ ގެއްލިފައެވެ. މެޗުގެ މޭންއޮފްދަ މެޗަކަށް ހޮވިފައިވަނީ އެފްސީ އަފިރިންގެ ޖަރޒީ ނަމްބަރ 17 އިބްރާހީމް ސައިފެވެ.
މިރޭގެ ދެވަނަ މެޗުގައި މަލްޓިޖީނިއަސް ސިޓީ އާ ބައްދަލުކުރި މެޗު ކުލަބު ސްކަވެންޖަރސް ވަނީ 3-0 އިން މެޗު ކާމިޔާބު ކޮށްފައެވެ.
