ރާއްޖޭގައި 15 އަހަރުގެ ކުޑަ ކުއްޖަކު ވިހައިފިއެވެ. އެހެންނަމަވެސް އޭނާ ވިހެއި ކުއްޖާވަނީ މަރުވެފައި ކަމަށް ފުލުހުން ވިދާޅުވިއެވެ.
މި މައްސަލަ ފުލުހުންނަށް ހުށަހަޅައިފައިވަނީ މިއަދު (13 މެއި 2019) ހެނދުނު 7:10 އެއްގައި ކަމަށް ފުލުހުން ވިދާޅުވިއެވެ. އެމައްސަލަ ފުލުހުން ގެންދަވަނީ ތަޙުޤީޤު ކުރައްވަމުންނެވެ. މިއީ ކުޑަ ކުއްޖަކަށް ވެފައި އަދި ފުލުހުންގެ ތަޙުޤީޤު މަރުޙަލާގައިވާ ކަމަކަށް ވާތީ އެކުއްޖާގެ އެއްވެސް މަޢުލޫމާތެއް ފުލުހުން ހާމައެއް ނުކުރެއެވެ. އަދި މީޑިއާއިން ވެސް އެކުއްޖާއާ ބެހޭ މަޢުލޫމާތު ޢާއްމު ނުކުރުމަށް ފުލުހުންވަނީ އެދިއެވެ.
މި މައްސަލާގައި ހިމެނެނީ ކުޑަކުއްޖަކަށް ވެފައި ތޙޫޤިޤު ކުރިއަށްދާތީ މި އަންހެން ކުއްޖާގެ މަޢުލޫމާތު (ރަށް ހިމެނޭ ގޮތަށް) ހާމަ ނުކުރެއްވުމަކީ މި ސާވިސްގެ ވަރަށް ބޮޑު އެދުމެއް،" ފުލުހުން ވިދާޅުވިއެވެ.
