ފ. ބިލެއްދޫން އަލަށް ފެނުނު އާސާރީ ވެވު ކޮނެފައިވަނީ މިނިސްޓްރީ އޮފް ހެރިޓޭޖަށް އެނގުމަކާއި ނުލައި ކަމަށް އެމިނިސްޓްރީން ވިދާޅުވެއްޖެއެވެ. އެތަން ކޮންނަމުންދާ ކަމުގެ މަޢުލޫމާތު އެމިނިސްޓްރީއަށް ލިބިފައިވަނީ ސޯޝަލް މީޑިއާއިން ކަމަށްވެސް އެތަނުން ވިދާޅުވިއެވެ.
އެކަން ކޮންފައިވަނީ އެރަށުގެ ކައުންސިލުންނެވެ. އެ ކަމަމާބެހޭ މަޢުލޫމާތު ލިބުމުން އެމަސައްކަތް އަމިއްލައަށް ނުކުރުމަށް ކައުންސިލަށް އެންގެވި ކަމަށް ވެސް މިނިސްޓްރީން ވިދާޅުވެފައިވެއެވެ. އެހެންނަމަވެސް އެމަސައްކަތް ކޮށް ވެވުގެ ވަށައިގެން މިހާރުވަނީ ކޮނެފައެވެ.
އެސަރަޙައްދަކީ "ގެޒެޓުކޮށްފައިވާ ދިވެހި ރާއްޖޭގެ އާސާރީ ތަންތަނުގެ ދަފްތަރުގައި ހިމެނޭ ސަރަޙައްދެއް ކަމަށް މައުލޫމާތު ލިބުމާ އެކު އެކަން މި މިނިސްޓްރީން ގެންދިޔައީ ކައިރިން ބަލަމުންނެވެ." މިނިސްޓްރީން ނެރެފައިވާ ބަޔާނެއްގައި ވެއެވެ. އެމަސައްކަތް ހުޓާލުމަށް ފޯނުންނާއި ލިޔެ ކިޔުމުން އަންގާފައިވާ ކަމަށް ވެސް އެބަޔާނުގައިވެއެވެ.
މިނިސްޓްރީން ވިދާޅުވީ އެފަދަ ތަންތަނަކީ ވަކި އުސޫލެއްގެ މަތީން ނޫންގިތަކަށް ކޮނެފި ކަމަށްވާނަމަ ފޫނުބެއްދޭވަރުގެ ގެއްލުމެއް ލިބިދާނެ ކަމަށް ވެސް ވިދާޅުވެފައިވެއެވެ.
މިފަދަ ތަތްނަތަން ފެނުމުން އެތަން ދެމެހެއްޓެނިވި ގޮތުގައި ބޭއްވޭނީ އެންމެން ގުޅިގެން މަސައްކަތް ކޮށްގެން ކަމަށް ވިދާޅުވެފައިވެއެވެ.
