ހދ. ނޮޅިވަރަންފަރުގެ ދަނޑު ބިންތަކުގައި މިއަދު ހިނގި އަލިފާނުގެ ޙާދިސާއެއަގައި ބައެއް ދަނޑުބިންތަކަށް ގެއްލުން ވެއްޖެއެވެ.
މަޢުލޫމާތު ލިބިފައިވާ ގޮތުގައި މިޙާދިސާގައި ބޮޑަށް ރޯވެފައިވަނީ ދަނޑުވެރިކަމަށް އަލަން ދޫކޮށްފައިވާ ބިންތަކުގައި ކަމަށެވެ. އެހެންނަމަވެސް މިހާރުވެސް ބޭނުންކުރާ ދަންޑުތަކުގައި ވެސް ރޯވި ކަމަށް މަޢުލޫމާތު ލިބިފައިވެއެވެ. "ފަތްކެޔޮ ދަނޑުތަކަށް ބޮޑަށް ގެއްލުންވެފައި ވަނީ. އެހެނިހެން ދަނޑުތަކަށް ވެސް ގެއްލުންވި. އެކަމަކު މައިގަނޑު ގޮތެއްގައި ރޯވެފައިވަނީ އަލަށް ދޫކޮށްފައިވާ ދަނޑުތަކުގައި،" އެރަށުން ވާހަކަ ދެއްކި މީހަކު ބުންނެވެ.
ދަނޑުތަކުގައި ރޯވި އަލިފާން ނިއްވާލައިފައިވަނީ އެމްއެންޑިއެފް ފަޔަރ ޓީމުން ކަމަށް މަޢުލޫމާތު ލިބިފައިވެއެވެ. މިޙާދިސާ ގިނގާފައިވަނީ މިއަދު ހަވީރުއެވެ. އަލިފާން ނިއްވާލެވިފައިވަނީ ހަވީރު 4:20 އެހައިކަންހާއިރު އެވެ.
