ބ. އަތޮޅު ދަރަވަންދޫ ކުނިގޮނޑުގައި އަލިފާން ރޯކޮށްފައިވާ ކަމަށް ފުލުހުން ވިދާޅުވެއްޖެއެވެ.
މިރޭ 8:20 ގައި ހިންގި މިޙާދިސާގައި އަލިފާން ރޯކޮށްފައި ވަނީ ކޮންބައެއް ކަމެއް ނޭނގެއެވެ. ފުލުހުންނާއި ދަރަވަންދޫ އެއާޕޯޓުގައި މަސައްކަތްކުރާ ފަޔަރުން ގުޅިގެން ކުރި މަސައްކަތުން އަލިފާން މިހާރުވަނީ ނިއްވާލެވިފައެވެ.
މި ޙާދިސާގައި އެއްވެސް މީހަކަށް އަނިޔާއެއް ލިބިފައި ނުވެއެވެ. އަދި ދުމުގެ އަސަރެއް ކޮށްގެން ވެސް ކަމެއް ދިމާވެފައި ނުވާކަމަށް ފުލުހުން ވިދާޅުވިއެވެ. މީގެ ދެދުވަސް ކުރިން ވެސް ދަރަވަންދޫ އެއާޕޯޓު ހުޅަނގުކޮޅު ވަލުތެރޭގައި ވެސް ވަނީ އަލިފާން ރޯވެފައެވެ. އެ ޙާދިސާގައި 3000 އަކަމީޓަރުގެ ސަރަޙައްދެއްގައި ރޯވިއެވެ.
